ياللي خذيتي في عيونك من دجى اليل العتيم
مالك شبيه إلا القمر في ليلة البدر التمام

أدعي عسى ريح الشمال تسوق من جدواك غيم
وينبت على الأرض المحيله من رياحين وخزام

من كثر حبي صار حبي في وسط قلبي كظيم
كلما أحاول أنطقه ينتابني ضعف الكلام

ألومني ولا ألوم الحزن ي الجرح الأليم
وياليت لي عين طوال اليل تهجع بالمنام

أنسان لكن من رحلتي عشة بالدنيا يتيم
ما حولي إلا وحشتي وهموم قلبي والظلام

ياللي تركتين الحزن في جوهره قلبي مقيم
ماباقي إلا هالجسد جلد يلف كومة عظام

يعني اصارع هالحياة من يوم أنا طفل فطيم
والكون غابه والبقى للأقوياء في كل عام

عديم تلقي مثل قلبي في دواوينك عديم
قلب عطاك أقصدق شعور الحب في لحظة غرام

كم ريم تتمنى وصالي وقبل توصلني ي ريم
تحدها صحرا بعيده وبحر واشواك وسيام

ياوجد حالي كلما أتذكر الحب القديم
وجود من سلم عليه الحظ ولا رد السلام

وأنا أحبك للأبد واقسم لك بربي العظيم
أن القصايد في غيابك لو يغنيها الحمام

ما بكتفي واهيم لك في كل وادي لك أهيم
وإذا ركبت بموتري أنسى القواعد والنظام

يا الأجوديه الغرنجيه إللي سكنتي في شليم
مالك شبية إلا القمر في ليلة البدر التمام