تويت
لا ضاق صدري من هو إلي بشكيله همي
من يشيل معي أحزاني ويشاركني فرحتي
من يمسح لي دمعتي إذا نزلت على خدي
من يقرأ لي عيوني ويفهمها قبل لا أحكي
من يواسيني ويونسني ف وحشتي لا أظلم نهاري
تعبت أدور من البشر وعجزت ألاقي مطلبي
كتبت ع الرمل رفض مطلبي ومسح كتاباتي
حكيت للنجوم ألاقيها اختفت وملت من حكي
وطلبت من البحر وما رد لي مطلبي
قالي أنا ع الطلب وشايل هموم البشر وهمك همي
تلاقيني معك متى لا ضاق صدرك واحتجت لي
قلتله أببني لي بيت على شطك وبسكن بجنبك
توعدني تظل رفيقي طول العمر وما تخون مثل البشر
قال بوعدك بس لا راح حزنك وصارت أيامك كلها فرح
لا تسوي مثل باقي البشر وتنسي من شال همك ووقف بجنبك
قلتله لو ألقى البديل من البشر بتظل الصديق الوفي
تعليق