قصيدة فتاة تبكي فراق حبيبها وهي قصيدة محزنة جدا ..
تقول فيها :
جاني الخبر يا صاحبي واظلم الكون
قدام عيني ثم نطقت الشهاده
على العموم اقولها الف مليون
مبروك من قلب شكالك ابعاده
مبروك لا يهمك سواليف وضنون
من عاشق يهديك فرحة فؤاده
سو الفرح اليوم وابليس ملعون
واللي يشب النار يجني رماده
انا اول العالم على القصر يلفون
اول معازيم الفرح والحداده
ابشر انا برقص على العرس بالهون
كل يعبر فرحته باجتهاده
لو البلا رقصي يقولون مزيون
المشكله القلب يفضح وداده
يوم العذارى في دخولك يغنون
وعروستك باحلى ثواني السعاده
كنت اتمنى بدالها والله اكون
واحط انا كفي تحت راسك وساده
واشلون بكتم صرختي يوم تمشون
تكفى ..خذني للعروسه قلاده
حتى معازيم الفرح قامو يمشون
واصبحت انا وحدي بدون استفاده
وطفو علي النور من غير يدرون
قصر الفرح يا قبري انا وزيادة
وصيتي لو جاك بنت وانا امون
سميتها على اسمي من قبل الولاده