ياكثير الخطايا ملني الاحتمال

لي متى والمشاعر لعبةٍ في يديك

لا تضيع بغرورك والكبر والجلال

مثل مالك حقوقٍ ياحبيبي عليك

في زحام التعالي بك ادور خصال

شفت زيف المحبة والغدرمعتليك

لا تغرك عيونك سحرها والجمال

ياما شفنا حبيبي سحر ماهو عليك

كل همي اشيد في جسور الوصال

وانت جسر المحبة تقطعه راحتيك

ياحسايف حياتي ضايعة بالمحال

ياحسايف حبايب بعتهم مشتريك

ضعت بين الايادي والدروب الطوال

ماهقيت الايادي لو تضيع اتهديك

قلتلك ياحبيبي لا تشد الحبال

هذا آخر عنادك قلبي رافض يبيك

مالقيتك حبيب ولا رسمتك خيال

لاعيوني سنيني ما تضيع ارتجيك

بنسى كل السوالف مابقى لك مجال

لا تجي صوب قلبي ولا حبيبي بجيك