قصيدة ( ذكريات الطفولة )

تـذكريـن أيـّامنـا يوم كنا صغــار
يـوم كنتـي تسألـي عــدّ الحــروف
يــوم كنّــا بيـن مجموعـة كبــار
واسـألك قولـي اليـن الـرقم معروف؟؟
وإن نـويتـي العــدّ قلتـي بـاختصـار
واحـد..اربـع..سبـع..عشريـن الألوف
نختـلف سـاعـات في صنـع القــرار
آنـا أشيـلك؟؟ لا.أنـا..فـوق الكتــوف
تضـربينـي كـفّ في خـدّي اليســار
آآآه يـاكـم تألم خـدّي مـن كفــوف
خـدّي الأيـمـن يصـيـبـه احمــرار
مـن كثر بوسـات إرضـاء العطـوف
مـاعـرفنـا شـيّ اسمــه اعـتــذار
بالزّعـل نـرتضي وفي العامرة نطوف
نقتـسـم حـلـوى مـليئـه بـالغبــار
تـاخـذيـن القسـم الأكـبر دون خـوف
تـجمعـين أعـواد وشـويـّة حـجــار
وقـتـهـا نـبـني مغـارات وكهــوف
تـرسميـني وحـش في وسـط الجــدار
تضحكـيـن بكـل أزمـات الظــروف
نجتمـع عشـريـن صـاحب في مــدار
والعـلـب تهـتـزّ بـايـدينـا دفــوف
في السبــاق نــدوّر أقـوى انحــدار
والشجـر نجعـل مـن أغصـانه سيـوف
تطـلعيـن وفي يـدك قطـعـة خـيــار
تـاكـليـن وكـلّنـا خلـفـك صفــوف
تبكـي أحـلى أيّـامنـا ذيـك الـدّيــار
تحـت ضـوء الشمـس والعـالم تشـوف
مـايهـمّ اللـيـل يـعنينـا الـنـّهــار
والقمــر بعيـوننـا يـعنـي خســوف
آنـا كنـت أقطـف من عيونـك ثمــار
وانتـي اللـي تثمـري فـينـي قطــوف

بقلمي