ماني مجازيك في صدك وهجرانـك #### ودعـتـك الله وتـلقى واحداً ثانــــي

اتعبت الاعيان والاقدام من شانك #### وانتا ولا شي سويته على شانــــي

فزيت لك يوم قلت اسمك وعنوانك #### لو كان ماتنتمي لسمي وعنــوانـي

ماجـيـت ادورك ولا اطـق بـيـبـانـك #### ولا اتـرجـاك مـثـل فـلان وفــــلانـي

انت الذي جيتني واعلنت بلسانك #### انك على شوفتي جايع وعطشانـي

صدقت هرجك ومنطوقك من لسانك #### واقبلت لك مندفع من كل وجداني

ماكنت افكر يجي في يوم نسيانك #### وانساك وانتا معاهدني ماتنسانــي

الا بعد ماقريت الكذب في اعيانك #### حاولت اوادعك وانسى كل ماجانـي

خلاص ماني بمتعني على شـانـك #### ودعـتـك الله وتلـقـى واحـداً ثـانـي