حبيبي تكفى اسمعني .. دقيقة لاتقاطعني
......................... ابيك اتقول من مخطي بحقّك ..منهو الجاني

:

تخبر العام يومنّك .. دفى الأيام تطلبني
......................... وصار القلب وعروقة حطب لك .. كل الإزمانـي

:

ونسيت الشوق لامنّك تقول: إرجوك ولّعني
......................... وانا وشـ لون غنّيتك على إسلوبي ومن إلحاني

:

ونسيت البُعد لامنّه طرى لك ونت تنشدني
......................... تقول : اليوم محبوبي احس تكثر بي احزانـي

:

احس انّك تبي ترحـل مـع الأيام تتركني
......................... وانا ماعيش من دونك .. بدونك هالعمر فانـي

:

وانا بيديني ظمّيتك وسط صدري وعلى حظني
......................... وقلت : ارجوك محبوبي مكانك هو بحظانـي

:

حبيبي كيف أنا اتغيّر ..!؟ عليك وأنت وخابرني
......................... الا منّي أنادي اسمك يذوب اسمك على لساني

:

أنا مو قادر اتخيّل حياتك أنت من دوني
......................... انا مو قـادر اتصوّر مـع الأيّـام تجفانـي

:

حبيبي كيف من صجّك.!! تقول:انّك بتخسرني
......................... وانا اللي بس لعيونك أهـدّ اقصـور بنيانـي

:

حبيبي الله العالم غلاك اشلون مالكني
......................... موديني رياض الحـب مرجّعني لريضاني

:

حبيبي كلّي مع بعضي تحت امرك واسحرّني
......................... تدلل قلّي او اشّر ./. تبـي (....) بإيماني.؟؟

:
:
:

وبعد كل الكلام اللي سمعته .. يا مجنني
......................... وتأكد قلبك أن حبّك وظع بالقلب . نيشاني

:

طلبت الرخصه من قلبي وقلت: ايام ونطرني
......................... ابرحل عنّك اشويّه وبرجع لك .. تحرّانـي

:

وانا صدقت كلماتك وقلت: ترجع لي اتلمني
......................... وتبعثرني وتلملمني وتعيد الصحّـه لبدانـي

:

ومشا عمري .. وانا ناطر متى ترجع .. تدللني
......................... وبدا .. في داخلي شكاً يقول : انّك بتنسانـي

:

وشفّ سبحانه الخالق بعد ظنّن .. مشككني
......................... يصير البعد هو حلمي .. ووصلك حلمي الثاني

:

وارجع طفلاً اصغيّر .. ادور من يمرجحني
......................... يدللني على ايدينه يسايرني .. ايتبـنانـي

:

لقيت الحزن هو اللّي يقول : انّه بيحرسني
......................... لقيته اوفى من شخصاً رحل عنّي ولا جاني

:

خلص هرجي على الفاضي .. لأنّك منت فاهمني
......................... ولأن القلب في صدرك .. يظخ الدم نكراني

:

لذلك افهم المعنى صحيح ان كنت تسمعني
......................... ترى هاللي طلّع منّي بداية صـدق قيفاني

:

وخلاصة قصتي معكم نهايتها بـ بيتيني
......................... بسمّعكم خلاصتها بعدها .. اكون وحداني

:

حبيبي والله .. لو انّك تصير اليوم بايعني
......................... اببقى صعبٍ امحنّك يطهّـر كـل الأدراني

:

واذا في مرّه من عمري طلبت انّك تواصلني
......................... قسم بالله لحظتها ماكون اليوم (فدعاني)