قل كلام يشرح الخاطر أو ارحل

لا تطولها وهي عندي قصيرة

لو تبي تزعل و أنا ما اخطي ازعل

و ابتعد ما دامت الدنيا كبيرة

فوق هذا و الله إني ما اتحمل

المشاعر من طباعك مستجيرة

كان ودك نتفق بالحب تفضل

و كان قلبك ما يبي موجود غيره

غيرك أغلى غيرك أحلى غيرك أجمل

و كل بنت ودها تكون الأسيره

يا عجول بالحكم دايم تمهل

كان لك قلب و لك عين بصيره

لك نزفت الحب ما القصد أتجمل

كنت صادق في القليل و في كثيره

كنت أنا أسأل عنك أبي لو يوم تسأل

كنت ادور لك عذر اقول خيرة

القصيد اللي من أعماقي تسلل

كيف ما قدرّت من ينسج حريره

انتظرت الشكر لكنه تحول

للبحور اللي قوافيها غزيره

منت الآخر في جحودك و منت الأول

انت واحد ماعرفته بها الجزيره