تويت
من علمك تجفا؟ وانت المــــروفه
ومن علمك تقسا؟ وتقسا بـ غاليــــك
شالي عملته؟ والخطا لي تشـــوفه
ماحيدني دست الخطا مول انا فيــك
ان كان لي بيني وبينك كلـــــــوفه
لا تخلق اعذارك وقصر خطاويـــك
وان كان قصدك تبغي البعد شوفه
الحر يفهم بس اشّر باياديـــــــــــــك
بقول ويلي منْك والله حســـــــوفه
بتبيع منهو فالبشر كان شاريــــــك؟
روّح تفضل ما ابي منْك لــــــوفه
وان جيتني مالت على وجهك وفيك
لا تحسب انه في كلامي نصــوفه
انت النصوفه فيك والنار تصليــــك
روّح وابـــعد ناظري لا تــــحوفه
بتفل فوجـــــهك لو اشوفك واوريك
موت حسره ودق راسك بـ طـوفه
لاني عزيز النفس لا يمكن ارضيك
تحياتي لكم /// عين الصقر
تعليق