قصيدة في حق الوالد الشيخ حمد بن عبدالله بن حميد التبعي الوهيبي حفظه الله ورعاه.


" شيخ المكارم "


يابوي فعلك فالعرب دوم يطريك
مشهود لك بالطيب والطيب ساسك
ً
الصدق طبعك والشهامه مباديك
وافي بطبعك والسّتر هو لباسك

تشهد لك فعولك ومنهو يخاويك
بأن الكرم والجود والعزم باسك

رجلاً حكيماً! و القبائل تغنّيك
مشهود لك بالخير يا عزّ ناسك

شيخا مسمى والفخر دوم كاسيك
يلّي الوفا طبعك وأصلـك وساسك

لك بالفعل هيبه!ترهب معاديك
ياللي بيمينك بيرق العز ماسك

ولك فالعرب كلمة!تعانق مباديك
تروي ضمى غيرك وتبرز حماسك

شهماً!! تغنى الشعر بأجزل معانيك
وتزها بك علوم المراجل وناسك

يا بوي أنت العزّ والعزّ طاريك
يا من غدى صيته يداعب حواسك

رجلاً عظيم! ويعل ربي يجازيك
وتكون فالجنّة..منعم براسك

ويا جعل منهو في حياتك يعاديك
يبعد بشرّه ولا يقرّب مساسك

يا حي دارن ضمّها لمّة ايديك
ويا حي ناساً تحتسب في قياسك

ويا حي منهو ع المكارم يوصيّك
وايعاف كاساً يشربه غير كاسك



بقلم /
ياسر بن حمد بن عبدالله التبعي