طالت السالفه ونا أدور رضاه
كل ماجيت أبرضي خاطره ضاق زود


ويش اسوي بعمهوجن كساني غلاه
كل مابعدت أحس ءاني عليه محدود


قلبي اللي لياجا الليل حن ءابلاه
ءايتذكر ليالن مع حسين الخدود


أشغلنه بنات البدو واعزتاه
راعيات الغنم والي ترد القعود


أبعد الشوح عني ياعسى الله جزاه
أنكر المعرفه ماظن يمي يعود


مايداوي جروحي غير مزة شفاه
والتسلي بتقبيل النحر والنهود


كل عله تجيني قلت هي من وراه
أشتكيها على ربي هذيك العنود


ريحها ريح روضن تو مانش ماه
عقب نو السحاب اللي قفته الرعود


زين شعره ليامنه تورشع قفاه
ضاربن فوق ردفن يحرقن الكبود


الشاعر / اورنس بندر الضحيك