هذه القصيدة من كلمات/بنت الشرقية
وعسى أن تنال على إعجابكم!!


سلام الله على داري بديه = سلام(ن) ينعش القلب ويريح الفؤادي

سلام(ن) بالفل والزهور النرجسيه = في شذاها صفوة القلب وودادي

بديه كوسها تلفي علينا شفيه = محلى مجيضها والشتاء والبرادي

تفرج هموم(ن) بالقلوب الشجيه = وتفرح القلب اللي دايم(ن) في نكادي

يلفيها الزاير وما به دريه = هل هي حضر؟ ولا هي بوادي؟

هي نسمة الروح للنفوس الشاعريه = هي ملتقى الاجواد وأصحاب السدادي

من يهاب الموت يلجاها دار(ن) حميه = يلفي دخيلن ومنجزع ويفرح بالعوادي

نعمة من الخالج لنا وأحلى هديه = وأن غادر يشوفها بالصحوه والرجادي

يقول الله يا دار(ن) يسموها بديه = تنعش الخاطر المفتون وتريح الفؤادي

أبها رجال(ن) تآخذهم بالعصبه حميه = لنصرت المظلوم فكل حزات الشدادي

مكرمين الظيف بنفوس(ن) سخيه = ما يخاووا الانذال وأصحاب المرادي

ويا (الحجريه) لك جوابي بورود(ن) نديه = ولك خضعت الرآس واعلنت الحدادي

رفعت راسي يوم(ن) طريتها بالعز بديه = ومدحت بالامثال لي عليهم الاعتمادي

والختم يالله بسحابة مزن(ن) سجيه = تروي داري بدية وجميع البوادي

والتمس عذر(ن) لحروفي الابجديه = ونبا عذركم يلي تخطون المدادي