إعـــــــلان

**الهجـرس** · 14-06-2007, 03:50 PM

[align=center]هموم المفارق

لو تعرف الخطايا كيف كنت محروم كان سود الليالي يوم طحت سمحت

لو هموم المفارق مثل كل الهموم ماتشوفون عيني بالدموع سبحت

ولو تحن المشاكل عقب حب الخشوم كان حبيت خشم المشكله واستحت

بين صدة عزيز وكبرياء مهزوم عين شحت على وعينٍ استسمحت

بس مالله خلقني من بكاي معصوم وادري انه المحاجر لو تفيض افضحت

والله اني على جرحي صبور وكتوم لكن ان الدموع ان روحت روحت

اعذلتني ظروفي وانهكتني عزوم والوجيه احزنت لي والقروب افرحت

اشهد ان الليالي ماتعرف السلوم قلب جافي لقاه ووجه صافي بحت

راهنتني تبلل بالدموم الكموم ويشهد الله عليها راهنت واربحت

احرمت نور عيني من غلا ريم قوم بذرةٍ وارتوتني واثمرت واطرحت

جادلٍ دوم ماهي مثلها كل يوم استضاحت غموض وبالغموض اوضحت

دورت بين قلبي والهدب درب نوم وامرحت وين مدري المهم امرحت

تنحت اسمي بقلبٍ جيت فيه معزوم واسمها بين جلدي والعظام انحت

مثل جفني لعيني بالنعاس محكوم كل مانمت نامت كل ماصحى صحت

ماتعارض كلامي غير عند اللزوم بس لا قمت اسولف واندمجت سرحت

دايم ازعل عليها بس قلبي رحوم وهي تموت بعذابي من تحت لي تحت

مثل وجه العلاقه في ثياب الخصوم ان تطيبت طابت وان جرحت اجرحت

خصها الله بوصفٍ من خيال معدوم لا اذان اسمعتبه لاعيون المحت

كن ربي خلقها من بياض الغيوم ومن كفوف السحابه بالورد القحت

عن سواها فرقها بالقمر والنجوم وكل عذرى تباها بالجمال انزحت

بالحلا هي كوم وباقي الناس كوم كفتٍ عادلوها بالبشر وارجحت

حسبي الله على الي مابغاها تدوم من بعد كيف كانت شوف كيف اصبحت

لاتحقق وصال ولا فراق محتوم خطةٍ قربتني للفشل وانجحت

لعنة العشق تبقى مثل ضرب السهوم لو محى الوقت جرحه صورة ما انمحت

كيف ابنسى وانا الي من جفاف لسموم ماحشمت العيون ولا الدموع فلحت

كانها بالحميا كل ربعي قروم لو يلدون لاصعاب الظروف صلحت

اجزم ان كنت ياقلبي شجاع وجزوم لد لعيون بنتٍ لا التفت الفحت

ماتهين البخيل الى يدين الخدوم دام كف الخطايا بالجفا لوحت

نطح الباس باس ونطح اللوم لوم وان تهدت تهد وصيح ان صيحت

ياتعيش بمعزه ياتموت محشوم ودك ان الليالي لافعلت امدحت

عمر ضعف الاراده مايسر الرخوم ضربت السيف بيدين الشجاع ذبحت

للشاعر حامد زيد [/align]

**.::جـ..ـرح نـ..ـازف::.** · 14-06-2007, 03:54 PM

[align=center]مشكـــور ع هالمــوضوع

عاد أنـــا لحد يوصيني بقصــائد حــامد زيــــد[/align]

[align=center]
الثــــريــا

ليه تطعني و انا ميت بليا
ما كفاك الي حصلّي قبل ساعه
كن بين همومي و بينك حميا
جيتكم واحد و جيتوني جماعه
انت منا و المصايب من هنيا
كلكم ضدي ترى ما هي شجاعه
ما ابشع من جروح طعنات القفيا
غير سكينٍ تصيب بهالبشاعه
لا تتوب و لاتذوب و لا تريا
جرحها جرح و فظاعتها فظاعه
ترتوي من فيض دمي و التفيا
و صار قلبي مثل اخوها بالرضاعه
و انت ليل لو ضويته ما يضيّا
ضعت فيه و شفت نفسي في ضياعه
اتهيا وين ما اشوفه تهيا
و ارسي بمرساه و شراعي شراعه
من عرفته و المحيا بالمحيا
و مايروح الا ذراعي في ذراعه
ان رضيت ارضيه و ان عييت عيا
و ان طلبني قلت له سمع وطاعه
ما عشقت من النجوم إلا الثريا
و ما ملكت من الكنوز إلا القناعه
و انت و جيوش الموادع و الجفيا
كيف اوقف ضدكم و انتم جماعه
لو بجيكم بالشجاعه و الحميا
البلا ان الكثره تغلب الشجاعه[/align]

**.::جـ..ـرح نـ..ـازف::.** · 14-06-2007, 03:57 PM

[align=center]الـــــــدنيا بخيـــــــر[/align]

[align=center]الظلام اليـا تبـرى مـن مـدرات النهـار
يبتدي عمره ضرير وينتهي عمـره ضريـر
والعيون اليا عماها حقدهـا تبقـى صغـار
ماتهادي مستواهـا غيـر للعقـل الصغيـر
والدروب اللي نهاية وصلهـا ذاك المسـار
ماتساوت مع طموحات الفهيـم المستنيـر
من يميز في طريق الشر حسـن الاختيـار
من صرخ في كل قلب مظلم بصوت النذيـر
من قدر ياخذ بحق التايـه الضايـع قـرار
من دفع عمره لحب الناس لو يبقـي فقيـر
من يقيد لكل فزعه للنـدم همسـة شـرار
من يطفي بالقلوب المدمنـة نـار السعيـر
من خلقنا ماعهدنـا غيـر حـب الافتخـار
نملك الصبر الكبير ونعشق الدرب العسيـر
همنا نرفع بلدنـا مـع صفـوف الازدهـار
ونتذكر يوم كان ترابهـا فـرش وحصيـر
وللاسف عشنا وشفنا حرب درب الانحـدار
حرب تشتيت القلوب وحرب تأنيب الضمير
حرب اقسى من حروب النار وحروب الدمار
حرب ابشع من نزيف الدم وبالسيف الشطير
بالسموم اللي تـروج بالكويـت بكـل دار
السموم اللي تـردوا مـن سبايبهـا كثيـر
والشباب اللي تمادوا فـي دروب الانتحـار
اصبحوا فيها رهينة لعنـة السـم الحقيـر
يستغيثون بعمار النفس من نسـف العمـار
يرتجون وداع ظلما الليل للصبـح المنيـر
صرخة المدمن تهيم وترتجي رفع الستـار
رددت عند الهدف كلمة يصير أو مايصيـر
أشعلت بين الضلوع العوج بعد النور نـار
وأدمعت كل العيون المشفقـة دمـع غزيـر
وامتلت كل الحناجر من صدى الصرخة مرار
وارتوت كل القلوب الضامية مـن زمهريـر
آفـة الإدمـان زادت وابتـدت بالانتشـار
والوجوب إنا نحدد فـي تلاحمنـا مصيـر
ناخذ اطراف القضية في عيـون الاعتبـار
ونرسم دروب النجاة وخطة الفـوز الكبيـر
ونرسم خطانا وتكفي دمعة المدمـن شعـار
ويكفي إنا من ربوع المجد وأخوان الاسيـر
إن نوينا ما بغينا غيـر حـرب وانتصـار
وان ضمينا ما رضينا غير نروى من غدير
إتحدنـا قلـب واحـد للهدب والاختـيـار
والفضل يرجع لربـي ثـم يرجـع للاميـر
وعلموا من يفقد احساس الامل بالانتظـار
الهدف لازال حي وتوهـا (الدنيـا بخيـر)[/align]

[align=center]حـــامد زيـــد[/align]

**.::جـ..ـرح نـ..ـازف::.** · 14-06-2007, 03:58 PM

[align=center]همــــوم بهمـــــوم/حــامد زيـــد[/align]
[align=center]من يوم فرقانا الى يومنا اليوم
مافات يوم الا وهي مشغلتني
إليا غفيت اشوفها في حلا النوم
واليا صحيت بكل الافكار جتني
عشقتها من قلب ميس ومحروم
وتركتها يوم انها عاندتني
نار تشب بداخل القلب بسموم
حاولت اطفي ضوها واحرقتني
دنيا ثقيلة كلها هموم بهموم
كني حملت جبالها فوق متني[/align]

**.::جـ..ـرح نـ..ـازف::.** · 14-06-2007, 04:01 PM

الكــــذب خيبـــــة/حـــامد زيـــد

[align=center]
روحي وهالمرّه خلاص لاتردين
هذا الفـراق وروحـةٍ دون رده
الكذب خيبه ماعرفتي تحبين
ما أنتي من يستحق المودّه
ماتعرفين الحب والعطف واللّين
ولا عاد في قلبي على الحب شده[/align]

[align=center]أخــاف أخلصــهم اليــوم بخلـــي البـــاقي لغيــري [/align]

**الهجـرس** · 14-06-2007, 05:09 PM

[align=center]شكرا جرح نازف على تفاعلك الجميل ،،[/align]
[align=center]ما عشقت من النجوم إلا الثريا
و ما ملكت من الكنوز إلا القناعه [/align]

من اجمل ابيات حامد ،،

[align=center]ياريت لي معه بعد من قصايد الذيب يشاركنا ،،

" الهجرس "[/align]

**.::جـ..ـرح نـ..ـازف::.** · 14-06-2007, 05:38 PM

[align=center]العـــ

ـــفـو

بس ابشــاركـ بقصـــايد حــامـد زيـــد[/align]

[align=center]أقــــرب النــــاس/حـــامد زيـــد[/align]

[align=center]بمشي على درب له النـاس يسعـون [/align]
[align=center] واصد عـن درب الدجـي والعتامـة
وبقصر اليسرة عن الضيـم والهـون
وطلـق يمينـي للصخـا والكرامـة
وبحترم نفسي وانا شخـص ممنـون
ومن يحترم نفسة وجـوب احترامـه
ماني من اللي في ذرى الحيط يمشون
ولامـن اللـي معتلـي فـي مقامـه
متواضع وأمشي على الحق بالهـون
متـوسـط المعـرفـة والشهـامـة
ولي مجلس دايم له النـاس يلفـون
شرعـت بابـه والـدلال العـلامـه
مايفتـح الا فيـه الاجـواد يـدنـون
ويالله عسى اللـي يقـرب للسلامـه
هذا طريقـي وكثـر النـاس يـدرون
صديـت عـن درب حلالـه حرامـه
ميزت ربعي بيـن عاقـل ومجنـون
واكشف بليد المنفعـة مـن سلامـه
واهل المصالح لو على يـوم يبنـون
في يـوم ثانـي يرغبـون الهدامـه
واهل الحكي لو لك عن الناس يحكون
بيجيك يـوم ويقصـدك فـي كلامـه
لاصار سيفة لاقرب النـاس مسنـون
يضرب رفيقة وان اقوى في عضامـه
ناس مع الكلمـة يروحـون ويجـون
بـس المصيبـة يدعـون الفهـامـه
ولانيـب ديـان ولانيـب مـديـون
ولا بغيـت مـن الهـروج الملامـه
ولاطلبـت مـن المخاليـق يبـكـون
ولا بغيـت مـن الحزيـن ابتسامـه
بمشي بدربي واترك النـاس يمشـون
كلن علـى كيفـه رقـى كـل هامـه
ولا صرت انا من راعي الطيب مطعون
ابيستـوي قـرب الرفيـق وعدامـه
وأن خاب ضني بأقرب الناس وشلون
بعطيـك ضنـي يارفيـق النـدامـه[/align]

**التوؤم المختلف** · 16-06-2007, 02:45 AM

التوؤم المختلف

وأنا بعد من عشاق حامد زيد
تسلم ونتمنى المزيد من التقدم

**نرجس أبيض** · 14-04-2008, 02:59 PM

تسلم ع كذا موضوع أنا بعد من عشاق أشعار حامد زيد

القصيده :حد علمي

حد علمي بالغلا يوم كنت أسوى كثير
يوم كانت ضحكتي طبع وعنادي سمه

وحد علمي بالغلا يوم خفاقي ضرير
قبل أهدم العشق وأبنيه وأرجع وهدمه

وحد علمي بالبكاء يوم لي قلب وضمير
قبل أشوف المسلم يموت بيد المسلمه

إيه عدّت من يدي بس ماعدّت بخير
ليلةٍ عيّت تجيني وجتني مظلمه

من عرفت إحساسها كن في قلبي نذير
والنهار المكتئب باين ٍ من مقدمه

ليلةٍ حسيتها لاتجور ولاتجير
مثل طفل ٍ ماحقرته وعيّت إحشمه

وأصبحت مثل شعره وأقصمت ظهر البعير
وأبتدى في موته الجرح من حيث إختمه

صارلي بالعشق مالا هقيت أنه يصير
أنظلمت بعشرت أنسان ماكنت إظلمه

العشير اللي تبرى من ضلوع العشير
الحلا عزّز خطاياه والحظ إخدمه

لاتبسّم يكسر النور بعيون البصير
وكن شمس المغربيه تبات إبمبسمه

معتدل في قامته لاطويل ولا قصير
ممتلي بالزين من معصمه لي معصمه

فيه بلوان الهدب لون غير ولون غير
مثل ما للرمش بالعين قصه مبهمه

كنها نكس البيارق على شط وغدير
ومثل لملمت الشتات بشتات اللملمه

مع سواد مجدّل ٍ مايثور إلا يثير
كنه اللي ينهم الريح ثم ٍ تنهمه

ماتجمع لين قيّد حرير ٍ مع حرير
في ضلام ٍ علّم الليل مالم يعلمه

ماهقيت إن الهدب صلف وأجفانه تغير
لين سلهم لعنبوا جد ذيك السلّهمه

ماعتقني لين ساق البشاير للبشير
يوم صد وجاه قلبي بشحمه ولحمه

والله إنه حط قلبي تحت رحمت شطير
في يديه وكل ماراد يقسمه قسمه

ياعساني ماعدم إرضاه في برد وهجير
ولوعدمت مروّته ياعساني معدمه

إن طلب عيني رضا قلت ماغيره نظير
وأنشرب دمي غضب قلت يستاهل فمه

واهنيّه يرقد الليل مرقاد الغرير
كن نومه لابغى يهزم الجفن إهزمه

وإلنا من صفرة عصير الى صفرة عصير
والسّهر يايلزم العين وإلا تلزمه

لو صحيح إن الحبيبين يجمعه مصير
كان نفس اللي حرمني من النوم إحرمه

والله إن مروّتي ولّعت فيني سعير
يوم شفته تل قلبي وداسه بقدمه

مارحم زهرة شبابي وأنا توّي صغير
لين ضيّق خاطري ضيّق الله إنسمه

إيه عدّت من يدي بس ماعدّت بخير
ليلةٍ عيّت تجي بس جتني مضلمه

حد علمي في عناها عذاب وزمهرير
يوم قمت أوحي بالاضلاع صوت وهمهمه

وحد علمي بالرجا من نصير اليا نصير
يوم شفت النّفس تذبح وهي مستسلمه

وحد علمي بالبكا يوم لي قلب وضمير
قبل أشوف المسلم يموت بيد المسلمه

الشاعر : حامد زيد

إعـــــــلان

مكتبة اشعار حامد زيد ومحمد الذيـب ،،

مكتبة اشعار حامد زيد ومحمد الذيـب ،،

تعليق

تعليق

تعليق

تعليق

تعليق

تعليق

تعليق

تعليق

تعليق