احبــــــــــــــــــــــــــــك

أحبك تحير بوسط قلبك ولا أسمعها
وأنا كل جرح بخافقي ينبض أحبك


تعابير وجهك قبل لااقولها أجمعها
وتعابير وجهي كلها طالبه قربك


تعبت اجذب البسمات منك واطلعها
تعبت اخذك في مركب العمر وابحربك


ترف او دلال او نفسك اللي مطبعها
تعذب قلوب من غباها تولع بك


حبيبي ياليت افكار عقلك تراجعها
قبل ماالدلال يفر عقلك ويلعبك


وترى النفس لو تقسى بتنسى مواجعها
وانا باقي احفظ عهد لايام واحلم بك


اذا جيت ابا اقرأ بخت كفي وطالعها
أخاف اسأل العراف وش صار في حبك؟


اخاف اسأله ليه البشر في طبايعها
تحب الدمار لقلب مجروح من سبك


حبيبي حبيبي ياحبيبي بتسمعها
مادام الخفوق يعيش به نبض مغرم بك


واذا شحت عروقي وجفت منابعها
ترى كل جرح بخافقي ينبض بحبك