تويت
قصة حقيقية على شاطئ البحر
السلام عليكم و رحمة الله و بركاته :القصة صارت على إحدى شواطئ الخليج ……….. قصة حقيقية
في اثنين شباب راحوا على البحر يجلسون على الشاطئ ومعاهم عشاهم وهم جالسين يتعشون جتهم عجوز كبيرة بالسن وقعدت تلقط الاكل المنثور على الارض وتاكل ولما شافوها قاموا عليها وقالوا لها انتي جوعانة قالت انا هنا من الصبح وما اكلت شي المهم جابو لها عشا وتعشت .
وقالت لهم جابني ولدي من الصبح وراح وخلاني وقالي راح اجي اخذك بعد اشوي وبعد ما تاخر الوقت شالوا اغراضهم وحسوا الشباب ان الجو بارد وما يصير يتركون العجوز على الشاطئ لحالها في الليل وجاء واحد من الشباب وقال لها عندك رقم ابنك علشان نتصل عليه ونخليه يجي ياخذك ،قالت العجوز: اي معي الرقم في ورقة ايش تتوقعوا مكتوب فيها ؟؟؟؟؟؟؟؟؟؟؟؟؟؟؟؟
انصعقوا الشباب من المكتوب في الورقة ،مكتوب فيها ( من يجد هذه المرأة ياخذها لدار العجزة).
وجلسوا ساعة يترجون العجوز تمشي معاهم ويحاولون فيها انها تمشي اي مكان تبيه هي يودونها عليه اكيد العجوز رفضت انها تروح معاهم لان ولدها راح يجي ياخذها . وكانت تقول ولدي راح يجي ياخذني وانا راح استناه لما يجي ماتدري المسكينة انا ولدها تنكر لها ورماها في الوقت الي هي فيه محتاجة له .
.gif "Smiles (38)")
راحو الشباب وتركوها على امل ان ولدها راح يجي ياخذها حسب وعده لها ، في واحد من الشباب قعد يتقلب في الفراش ما قادر ينام يفكر في مصير العجوز المسكينة وقام من فراشه وغير ملابسه وركب سيارته وراح للشاطئ ولما وصل شاف الاسعاف والشرطة والناس مجتمعين ودخل بينهم شاف العجوز قد فارقت الحياة ماتت من خوفها على ولدها يمكن يكون صار فيه شي . ولما سالهم عن سبب الوفاة قالوا له :ارتفع معها الضغط وماتت ،ماتت وهي بعيدة عن اهلها وتنتظر ولدها يجي وياخذها .................
ارجو كل من يقرأ هذه القصة ان يدعوا معي ان يرحمها الله برحمته ويدخلها من اوسع ابواب جنته
تعليق