عـلمـتـني كـيـف أكــون إنــسـان والـواقـع بخـيل
وعـلمـتـني كــيـف أضـحـي بـالحــيـاه لـعـيـنـها
عـلـمـتـني كــثـر مـا يـرقـد هــنـا الـلـيـل الطويل
عـن مـغــالـيـق الحـيـاة ~ أبــوابـهـا وسـنـيـنـهــا
كيف فاس الريح يضرب في خصر هذي النخيل
كـيـف هــذي النخـل تـوقـف شــامـخه في طينـها
عـلمـتـني كـيـف أصـاحـب صاحـب الخلق النبيل
كـيـف أحــافـظ ع الصـلاة بـمـسـجدي في حـينها
كـيـف أدواي بابـتـســامـه صـاحب القـلب العـليل
كـيـف تـهــدى قــسـوة أطــبـاعـي بـرقـة لـيـنـهـا
كـيـف أجـهـز زاد ينـضـح خـير في يـوم الرحيل
لـجـل أشـــوف الـجـنـه وربي وأفـــرح حـيـنـهـا
عـلـمـتـنـي واعــرف إني مـا عــرفـت إلا القـليل
مـن غــزارة عـلـمـهـا مـن جـيـمـها لي سـيـنهـا
تـحـت رجـليـهـا جـنـان الخـلد ~ نـهـر السلسـبيل
وادري إني مــا أوفي لــو ظـــفـــور يـمــيـنـهـا
هــذي أمـي والضــلـوع أيـتــام ويـديـهـا نـخـيــل
أعـتــرف أنـي شـمـخـت مـن الــشــمـوخ بعيـنها