اعزائي
تحية حب وبعد
هذه محاولة شعرية هي آخر ما كتبت واخص بها المنتدى فعسى ان ترقى لذائقتكم
وجهة..عمر!


1

أتلمس الأشياء أتعرف على دنياي
يبدا العمر وجهات تحضنّــــــي
بعد الصراخ اعرف وجه أبواي
قبل المشي دروبي تشــــــتتني!!
من هين جاي؟ وهين أنا مسعاي؟
أسعى لعمرٍ غامضٍ عنــــــــــــي


2

أتعلم المشي لطريق الخير
وامشي وكنّ الخير يتباعد
كنه سراب ٍ لو أجيله يسير
ولا الأمور أتخالطت واجد ؟
لو طرت ما غردت مثل الطير
لكن مثل قصده أنا قاصـــد


3

كن الضباب اللي بحياتي راح
كني أشوف الشمس ؟! ما كني
تلسعني لكن لسعهْ وارتــــاح
واصحا وأحلامي تطـــاردني
وكثار ناسٍ في حزن وأفراح
حولي ولا حد يقترب منـــــــي


4

أحب واهدي لمن أحب العمر
والعمر راح وكل يوم اهــــديه
واللي هديته من حياتي الصبر
ما طاع يهديني أمل ارجيــــه
واحتاج واتعب والسنين اتمر
ما غير فقري عزتي تغنيــــه


5


احشي الجمال ورود في راسي
والكاس فارغ وردةٍ ذبــــــلى
لخصت هالدنيا انا بـــــكاسي
تبدا بمراره وتنتهي أحــــــلا
لين ايتزايد بالهوى انعـــــاسي
واصحا بذنبٍ صحتله :كـــــلا!


6

وابدا اشوف الذاكره بخطاي
كثر الخطا خطواتي تثــــــــقلني
جيت وكأني مثل روحي جاي
رحت وتركت الحظ يتبعنــــــي
واسمح وأسامح والأجر مرجاي
من عند ربٍ يفقر ويــــــغنــــي