تويت
{{ زجـل بلهجة مصرية عاميــة}}
=====================
أ هـــي ..دنيــــا
........................
خظــوط مستقيمة..أو منحنية أو منكسـرة..أو أي شخبطة
هي الحــياة كـدة,ساعة معدولة ,وساعة معوجة
وسـعة تانية ملخبطة..
{ لما تكون معدولة }
ننسي ربنا وننغمس ف نعيمه..شوفوا المهزلة
---------------------------
ادي فلان لما ربنا يكرمه ينسي أخوه
وأخوه يا عيني عليه بيعاني م الفقر
والذل والبهدله
ينسي ابن أمه و ابوه ؟ ده ينسي اللي حتي جابوه
دول عانوا يامه معاه وهم بيربوه
يامه ودوه المدارس يامه للطبيب أخدوه
وعانوا م الحرمان يامه م الفلوس إدوه
بادعي و اقول ياريت أمه وابوه ما جابوه
-------------------------------
وده يعمل ايه بقي لحماته ولا حماه
ده ملوش خير في أهله..والخير معاه ضاع و تاه
ياعيني والله عليهم ف حسرة..خايفين علي بنتهم
يا تري عامله إيه وياه
طبعا تاعبها معاه
وبالطبع ربك معاها لصبرها وياه
------------------------
وآدي فلان ..{ ولسة الحياه معدوله }
طبعا مش الأولاني.. وجايز يكون هو
فلوسه مش لناسه دي بره مش جوه
نافش ريشه علينا بزهو وبقوه
من غير شهامه ولا رحمه ولا مروه
-------------------------
وغيره عاين فلوسه في شنطه أو كيسه أو صره
يمكن يموت وبعده تفضل فلوسه أسيره أو حره
أسيره لو صبحت لزيه..ولو نزيه حــره
------------------------
وغيره لما ربنا يكرمه ويحصل علي منصب
هو أكيد مش ليه
لازم و لابد حتما أخوه لو احتاج ليه
يسيب علامه عليه
سـيان بقي بعيد قريب..عدو حبيب
لازم يعلم عليه
---------------------------
وصنف م الأصناف طول ماهو تعبان
تلاقيه حلو وطعم وظريف قوي وغلبان
ييجي ويحكي لك همه يتعبك و هوه مش تعبان
لو ربنا كرمه يبعد وم تشفهوش
ولو شفته يبقي ولا التعبان
خايف يا عيني تحسده
وانت ولا انت هنا أصله خسيس وجبان
-----------------------------
ولسه برضه معاهم ..{ والحياه معدوله }
ودي حكمة ربنا وطبعا حكمته معقوله
كل حياتهم فتنه..دي فتنه معسوله
لما يقابلوا ربهم يعرفوا إنهم كانوا في دنيا
قتلاهم ومقتوله
ده مش كلامي أنا دي حكمه ومقوله...
-------------------------
{ وبرده الحياه لسه معدوله }
واحد من اياهم اللي كرمهم ربنا
عامل ايه مع الجيران ؟؟؟
لا ف يوم يطل عليهم ولا سؤال عن حد
ميت..سليم ولا حي ولا عيان
عايش لنفسه وبس ..يا كل ويشرب
عايش ولا الحيوان
ولفرض ربه أكيد تارك والوهم آخده
في نشوة وفي نسيان
--------------------------------
ويا عيني فيه ناس تانيه
{ وبرضه الحياه لسه معدوله }
شافوا كرم ربنا حمدوه وشكروه وأثنوا عليه
ربنا دايما رازقهم ويحمدوه ع الخير اللي هم فيه
وخيره اللي سعي له أكيد صحيح مش ليه
يعطف ويعطي أي محتاج
لايستني طلبهم ولا مد الأيادي ليه
وربنا ف رزقهم زايد دي بركة دعا احبابه
وجيرانه بعد دعا والديه
هو معاهم كان دايما حنين
واللي معاه..مش ليــه
بادعي واقول يارب اكون زيه
وبارك يا رب في وفيه
وبادعي كمان واقول يارب اقابله
و ف كل درب ألاقيه
-------------------------------
وللحديث بقيه مع خط آخــر من خطوط الحياة
ونماذج اخــرى من البشــر
---------------------------------
آآآآسف للإطاله.....
...........................................
{mero } ..ماهــرحسين..
.............................................
=====================
أ هـــي ..دنيــــا
........................
خظــوط مستقيمة..أو منحنية أو منكسـرة..أو أي شخبطة
هي الحــياة كـدة,ساعة معدولة ,وساعة معوجة
وسـعة تانية ملخبطة..
{ لما تكون معدولة }
ننسي ربنا وننغمس ف نعيمه..شوفوا المهزلة
---------------------------
ادي فلان لما ربنا يكرمه ينسي أخوه
وأخوه يا عيني عليه بيعاني م الفقر
والذل والبهدله
ينسي ابن أمه و ابوه ؟ ده ينسي اللي حتي جابوه
دول عانوا يامه معاه وهم بيربوه
يامه ودوه المدارس يامه للطبيب أخدوه
وعانوا م الحرمان يامه م الفلوس إدوه
بادعي و اقول ياريت أمه وابوه ما جابوه
-------------------------------
وده يعمل ايه بقي لحماته ولا حماه
ده ملوش خير في أهله..والخير معاه ضاع و تاه
ياعيني والله عليهم ف حسرة..خايفين علي بنتهم
يا تري عامله إيه وياه
طبعا تاعبها معاه
وبالطبع ربك معاها لصبرها وياه
------------------------
وآدي فلان ..{ ولسة الحياه معدوله }
طبعا مش الأولاني.. وجايز يكون هو
فلوسه مش لناسه دي بره مش جوه
نافش ريشه علينا بزهو وبقوه
من غير شهامه ولا رحمه ولا مروه
-------------------------
وغيره عاين فلوسه في شنطه أو كيسه أو صره
يمكن يموت وبعده تفضل فلوسه أسيره أو حره
أسيره لو صبحت لزيه..ولو نزيه حــره
------------------------
وغيره لما ربنا يكرمه ويحصل علي منصب
هو أكيد مش ليه
لازم و لابد حتما أخوه لو احتاج ليه
يسيب علامه عليه
سـيان بقي بعيد قريب..عدو حبيب
لازم يعلم عليه
---------------------------
وصنف م الأصناف طول ماهو تعبان
تلاقيه حلو وطعم وظريف قوي وغلبان
ييجي ويحكي لك همه يتعبك و هوه مش تعبان
لو ربنا كرمه يبعد وم تشفهوش
ولو شفته يبقي ولا التعبان
خايف يا عيني تحسده
وانت ولا انت هنا أصله خسيس وجبان
-----------------------------
ولسه برضه معاهم ..{ والحياه معدوله }
ودي حكمة ربنا وطبعا حكمته معقوله
كل حياتهم فتنه..دي فتنه معسوله
لما يقابلوا ربهم يعرفوا إنهم كانوا في دنيا
قتلاهم ومقتوله
ده مش كلامي أنا دي حكمه ومقوله...
-------------------------
{ وبرده الحياه لسه معدوله }
واحد من اياهم اللي كرمهم ربنا
عامل ايه مع الجيران ؟؟؟
لا ف يوم يطل عليهم ولا سؤال عن حد
ميت..سليم ولا حي ولا عيان
عايش لنفسه وبس ..يا كل ويشرب
عايش ولا الحيوان
ولفرض ربه أكيد تارك والوهم آخده
في نشوة وفي نسيان
--------------------------------
ويا عيني فيه ناس تانيه
{ وبرضه الحياه لسه معدوله }
شافوا كرم ربنا حمدوه وشكروه وأثنوا عليه
ربنا دايما رازقهم ويحمدوه ع الخير اللي هم فيه
وخيره اللي سعي له أكيد صحيح مش ليه
يعطف ويعطي أي محتاج
لايستني طلبهم ولا مد الأيادي ليه
وربنا ف رزقهم زايد دي بركة دعا احبابه
وجيرانه بعد دعا والديه
هو معاهم كان دايما حنين
واللي معاه..مش ليــه
بادعي واقول يارب اكون زيه
وبارك يا رب في وفيه
وبادعي كمان واقول يارب اقابله
و ف كل درب ألاقيه
-------------------------------
وللحديث بقيه مع خط آخــر من خطوط الحياة
ونماذج اخــرى من البشــر
---------------------------------
آآآآسف للإطاله.....
...........................................
{mero } ..ماهــرحسين..
.............................................
تعليق