الـــــــــــسلام عليكم ورحمة الله وبركاته

هذي بضعة ابيات متواضعه من قصيده كتبتها....... ارجو ان تنال حسن اعجابكم!!!!



"على طاري الذيابه"

على طاري الذيابه لي تسما بالاخوه ذياب
سريت الليل يا ذيبٍ بوحشه مع صحاري بيد

مشيت الدرب يا ذيبٍ وحالي بالطريق تعاب
ادوس الشوك من اجلك احسه عن يميني بعيد

كتبت الشعر يا ذيبٍ انشدك ان معاك عتاب
تقوله لي ولا تخجل على كيفك بلا تحديد

ترافقنا انا وانت "سطر" واحد حواه كتاب
ورافقنا الملا كله "موسوعه" حوة تمهيد

بديت الضيق لك فرحه وزرعتك بالصحاري عشاب
وفتحت القلب لك تحفه هديه والهدايا تزيد

هديت هالوفا كله هديتك من ضمير اعجاب
هديت الصدق لك كله على ماقيل بالتوحيد

تراه الليث مايبسم اذا بانت به الانياب
وانا جيتك على طبعي تواضع واصل حالي زهيد

ابقى لك انا الصاحب اذا غابت وفا الاصحاب
وابقى لك انا الاول على طبعي بلا تجديد

مهما دارت الايام ومهما تفرقت الاحباب
حرام القوم ماتقدر تفرقنا وبنات الغيد

رياح الصيف هبابه تراها ما عليها حساب
تنثر بالورق غربي وترجع من بعدها تعيد

جيتك يابعد ربعي وحر الهم طج الباب
لعلك تكشف الغامق وتنشد به بصوت مديد!!!!!!

تقبلو تحياتي