يا أختي اسمعي هذا البيت....وأتمنى يفيدك...

"شكوت إلى وكيع سوء حفظي فأرشدني إلى ترك المعاصي
وأبلغني بأن العـــــــــــــــلم نور ونور الله لايهـــــــــدى لعاصي"

مشكور اخوي بس انا وايد مجتهده ف الدراسة بس كني ما سويت شي مدري شو بسوي بعمري

كل شي متعاون علينا

الغربة

اهلنا بعيد

دراسة تذبح

الله يعينك أختي...
أول شي ما كل الطرق اللي تنفع الثانيين بتنفعج أنتي
حاولي تدورين ع الأسباب اللي خلت درجاتج تنزل...ولا تحطي اللوم ع الدكاتره لأنج كذاك ما بتعدلي شي
.....الله يعين كل حد يشتكي من it....
بالتوفيق حبوبه

مشكورة
بس انا اقولها عن تجربة طلاب شاطرين يزيدوهم درجات وناس الي تحاول ماشي درجات ولا يعطونا فيس

مشكورة بحاول اشوف اوضاعي واعيد ترتيب اوراقي
عساء او لعل تجيب نتيجة

اختي طلبي اي شي تحسي بيساعدك تأدي احسن وان شاء الله نحن موجودين بنسوي يلي نقدر عليه

اذكري الله و رتبي امورش و وقتش و امور طيبة ان شاء الله

الله يكون ف عونك حبوبة
بس لاتنسي ان لكل مجتهد نصيب
وان الله مابيضيع تعبك
انتي اجتهدي والتوفيق بيد المولى
ورددي:
"ومـــــــــــا توفيقي الا بالله"

لا تيلسين تقولين حق عمرج بنتحر ترا ما زين ...
وماعليه استحملي وصبري وشدي حيلج ماشي يجي بالسهوله لازم تتعبين عشان تحصلين ع الدرجات الحلوة وانتي ذاكري غاوي والايتي مالعبه يباله حد يذاكره ليل ونهار ...
صبري واستحملي السنين اللي باجلج ترا تعب سنتين وراحة طول الدهر..
الله يوفقج ان شاء الله ...

لاآ تنتحري

درجآت الآخرة أهم من درجآت الدنيآ

نصيحتي ياأختي ..
إنسي كل شي .. إنسي إنه درجاتج نازلة .... و إبدأي من الأن ( الخطوة الأولى بداية لألف ميل إعمل بإصرار تحقق المستحيل ) ومافي مستحيل فالكووووووون المستحيل بإيدك ممكن يتحقق ..
كم هو جميل أن ننجح ولكن الأجمل أن يكون هذا النجاح لم يأتي من فراغ بل من تعب و إجتهاااااااااااااد ..

الله يكون ف عون الجميع
كلنا ف الهوى سوى...

ما يباله رمسه

مسكي الاكتشر وقلم


ودحي دح اليهد


وصدقيني بترتفع درجاتج


طريقه مجربه