)ودي اكون أي شخص ثاني(

)الجزء الاول(




اليوم الاثنين , الساعة 8 مساء
شاب في عمره الــ 21 يدرس في جامعة السلطان قابوس, في سيارته البي ام السوداء طالع من مسقط وواصل دوار بيت البركة, 

يرن تيلفونه......وكان ربيعه خالد متصل,,,

الشاب وهو يشوف على التيلفون وكأنه ما يريد يرد...لكنه رد في النهاية وكان المتصل ربيعه الروح بالروح خالد...
الشاب وصوته مخنوق شوي: الووو..

خالد: هلا هلا منصور وينك ؟؟؟.. شو صاير..؟؟ قالوا لي انك راد البلد....ليش شو صاير خير ان شاء الله..

الشاب (منصور) وهو مب عارف شو يرد: ما شي...

خالد يرد نفس السؤال: منصور..؟؟ انا اعرفك ما من اليوم وامس...شو فيك...الاهل بخير؟؟ شي صاير....

منصور: شو تباني اقولك يا خالد...شووو تباني اقولك...خلاص طفشت طفشت ... 

خالد: قسم بالله ما ترد البيت صبر علي وين انت انا بييك (بجيك)...

منصور: لا خلاص انا طلعت من مسقط.....

خالد: انزين خبرني اهلك شي صاير فيهم لا سمح الله..؟؟؟ تكلم نشفت ريقي...

منصور: خالد انت اكثر واحد تعرفني...وتعرف مشاكلي مع ابوي...دوم دوم...ياخي احسه مب طايقني يريدني اطلع من البيت ولا شو يعني ورا هالعذاب....والله خلاص راح حالي ....


خالد وهو يهدي ربيعه: منصور...اسمعني هذا ابوك مهما سوا اكيد متضايج من اشياء....

منصور: هيه صدجت ابوي...لو ابوي ما سوا بي هذي السوية....

خالد: انزين شو صاير...وليش راد البيت....

منصور: ماشي,,صايرة نزاعة هناك ولازم اروح اشوف شو مستوي...

خالد: امك وابوك ؟؟؟

منصور: هيه....والنزاعة شكلها كبيرة...انا يوم خبروني ما عرفت شو اسوي...وركبت سيارتي وهذا انا رايح البريمي....

خالد: منصور ... هدي نفسك... ترا كل الاوادم يتنازعون ما اول الخلق اهلك...يا الله اسميك متسرع...

منصور: انزين متسرع حق نفسي وانا راد ومصنفر خلاص,,,

خالد: ههههاي ... يا ويلي عليك....منصور رد اشوف...وخلني اشوفك وبهديك بطريقتي...

منصور يعصب: اقولك راد البلاد لاتطفر بي...بشوف اخرتها معاه...

منصور وهو مخنوق: الله يرحمك يابوي...وينك ودرتني.........(ويسكت(

خالد: منصور...؟؟ صلي على النبي ...شو فيك .. صح انه ريل (زوج) امك لكن لاتنسى هو في مقام ابوك...


منصور وبعصبية: خاااالد لا تيلس تدافع عنه....هذا الي تقول في مقام ابوي يالس ينازع امي ويمكن ضربها بعد.... متخيل اخوانك يتصلون بك وهم يصيحون...انا شو اسوي بحالي... ايلس في مسقط ولا جني سمعت شي...ولا اروح واعرف السالفة...واطلعها منه...والله ماشي حاية (حاجة) له هالكثر...

خالد سكت ما قدر ينطق...

منصور كان يتنفس بصعوبة لدرجة صوته تغير على التيلفون...

خالد يهدي منصور: منصور...؟؟... هدي عشان خاطري وانا اخوك...هدي عشان قلبك ... هدي لا تعب نفسك..ورايح بروحك وانت في هذي الحالة...

منصور: يزووول قلبي....ليته يوقف بس عشان ارتاح واريح سعيد (زوج امه)

خالد: لا اله الا الله.........منصور ممكن تهدي عشان خاطري...الله يخليك...شو فيك انت جيه؟؟ ... تاخذ الامور بحساسية وتعصب ... الحين بتضرب خط ... والين توصل 3 ساعات....بتوصل متأخر...ويمكن النزاعة منتهية........

منصور وهو يتكلم بهدوء: النزاعة هذي بسببي انا......

خالد مستغرب: ليش انت شو سويت....؟؟

منصور: مب عاااااااااارف خالد انا هنا في مسقط من اسبوعين....ما سويت شي...

خالد: وشو دراك انها بسببك....لا تيلس تربط الي كان قبل....

منصور: خالد شو فيك...تراهم خبروني ... خبرني اخوي...سألته ليش النزاعة وشو صاير...قال انه بسببي ..انا...عاد حق شو ...انا مب عارف,,,عشان جي بروح البيت احسن,,,,والله يمكن اييب (اجيب) اغراضي وطالع ماااااشي رده لهذاج البيت,,,

خالد وهو ما عارف شو يقول: منصور...؟؟

منصور: نعم يا خالد...

خالد: انا احيدك (اعرفك) منصور العاقل...انت رايح تحل الامور بهدوء وترجع وتكمل دراستك.....منصور انت اكبر من هذي الامور...ولو بعدني ما اعرفك.... 
منصور يضحك بهدوء: اكبر من شو.؟...يا خالد كم بستحمل...هذي ما عيشة... ارجوووك خالد...خلني والله مب قادر اتكلم....

خالد: انزين بخليك.....لكن اهتم بنفسك..وقسم بالله اذا ماهديت نفسك...ترا بزعل منك....هذا اذا كان لي خاطر عندك...ورجائي يا منصور...روح البيت وغير جوهم ورجع البسمة على اخوانك وامك....ورد ترا هنا عندك مسؤوليات بعد,..ولا نسيت الدكتور. عماد ...

منصور: مشكور خالد...اعذرني عليت صوتي لكن غصب عني والله,

خالد: ماعلي منصور انا اعرفك زين....يمكن بلحقك باجر تعرف الاربعاء ماشي دوام عندي...وفرصة لاه...

منصور: على خير نلتقي ان شاء.....يالله حياك...

خالد: الله يحفظك.....بطمن عليك بعدين...يا الخسف يمكن باغنها من الله عشان ما تحضر محاضرات...

منصور وطاب خاطره شوي: انت احضر عني شو رايك؟؟؟

خالد: لا الشيمة عاد فيزياء .... سترك يا رب,,,روح روح الله يحفظك..

منصور وضحك ضحكة خفيفة: هههه اوكي يالله حياك...

ويسكر خالد.........ومنصور في طريقه.......

منصور ولد حمد.. أكبر اخوانه والمسؤوليات عليه وايد خصوصا هو الكبير..وبسبب دراسته في مسقط ابتعد شويه...لكنه يعرف ان بعده هذا بينفع به نفسه واهله...بيشتغل ويصرف على اخوانه وامه...


عايش مع امه وزوجها لان بو منصور متوفي من يوم كان عمره شهور....توفى بحادث سير...وما عنده اخوان اشقاء هو الوحيد....

واذا عن اهل ابوه ما حد باقي منهم....لا جدود ولا عمومه...بس عنده عم واحد وساكن في بوظبي على حسب كلام امه وانه ما كان يطيق ابو منصور..لذلك ما كان يزورهم...ومنصور ما يعرف عنه شي....ولو حاول يروح له ما يقدر لان العم ما يريد يشوف منصور الي هو ابن اخوه....




منصور وهو يسوق في الخط وواصل بركاء....مشغل على عبد المجيد عبدالله اغنية "لازاد"...
لا زاد فيني الحزن***اكتم دموعي واون

وهو يفكر وباله مشغول... مشغول باهله ومشغول بالدراسة ومتى بيخلص ... مشغول باشياء وايد....

وشوي حس بألم في صدره: ...ياه...هذا وقتك انت بعد...

ويروح يبطل السدة ويطلع حبوبه....ويشوف انه ما عنده ماي...وقرر يوقف عشان يشتري دبة ماي وشوي وقف عند الشيشة (محطة البترول).....بس قال في خاطره يعبي بترول اول...

يفتح الجامة...ويكلم العامل: عبي فول.....

ورجع يسكرها لان ريحة البترول قوية وهو بروحه عنده ألم....

منصور وهو يفكر: تعب هالدنيا ....وين الراحة...آآآه ...من وين ادورها...(ويحطي راسه على السكان)




بعد شوي،،،
يرد العامل ويريد ياخذ الحساب....ينادي على منصور الي كان محطي راسه على السكان وما يتحرك.... 

العامل: يا الطيب....(ويدق على الجامة(

لكن منصور ما تحرك,,,,,


العامل مرة ثانية وثالثة يدق ومنصور ما يصد عليه خير شر....

والسيارات وراه تريد تتحرك...
يضطر العامل يفتح الباب....ويكلم منصور: يا الطيب ... لو سمحت

وراح يهز على كتف منصور ... ومنصور انحنى جسمه على جنب وطاح برع على الشارع لكن العامل قدر يمسكه قبل ما يضرب على الارض...



كان منصور مغمي عليه .... لانه ضيج بنفسه لدرجة كبيرة ما قدر قلبه يستحمل...وهذي الحالات اتييه غالبا بسبب العيب الخلقي الي فيه..وكان لازم ياخذ حبوبه ويرتاح...بس هو ضغط على نفسه وايد.....

العامل يشوف على منصور ويحاول يوعيه،،، الناس تشوف على الموقف...

سيارة اليكزس الي كانت واقفة ورا سيارة منصور ....يطلع منها شابين باين اعمارهم اواخر العشرينات هم جمال واحمد....ويروحون بسرعة عندهم..

جمال: شو صاير...ايش فيه..؟؟

العامل: ما عارف بروحي ... فتحت الباب وطاح... شكله مغيب..

جمال: قوم قوم خلني اشوفه..

وهو يشوف عليه ... يحاول يوعيه لكن منصور كان متيبس...ويدينه متصلبات بعد ... ولونه بشرته صايرة مزرقة,

جمال يكلم ربيعه: احمد الله يخليك جيب له ماي....بتحصل دبة في السيارة...

ويروح احمد يجيب ماي من السيارة بسرعة...ويناول جمال الي قام يرش على منصور ويحاول يسقيه بس بدون فايدة, 


جمال ويكلم احمد: خلنا نوديه المستشفى ... 

احمد: ليش ما نطلب الاسعاف عن يكون فيه شي ونتورط به...ولا شارب..

جمال ويشوف على احمد بنص عين: هذا شكل واحد شارب الله يعينك بس,

جمال ويرد يكلم احمد: احمد بتجلس تشوف على الرجال الين يموووت...هذي سيارته صح؟... انت اركب فيها ... والحقني...

احمد: طيب طيب انت قرب السيارة ... ساعدونا نشله...

وتعاون الي كانوا واقفين ودخلوا منصور في سيارة جمال, والي طلع بسرعة لأقرب مستشفى, واحمد يتبعه في سيارة منصور البي ام,













الكـــــاتب
shadow_86

25 May, 2009































(ودي اكون أي شخص ثاني(

(الجزء الثــــاني(








جمال وهو في طريقه لاقرب مستشفى.....جمال يشوف في المراية على منصور الي كان يتحرك...وبدا يون (يئن(

جمال: هاه يا الاخ شخبارك..
منصور وهو ما قادر يتكلم بس كان يشوف على سقف السيارة ويحاول يلتفت يمين ويسار يريد يقوم....

جمال يرجع يكلم منصور: انا شالنك المستشفى بتكون بخير ان شاء الله...
منصور يرد عليه بصعوبة: لا......

وفي سيارة منصور الي كان يسوقها احمد ربيع جمال....
احمد وهو يسوق يشوف على تيلفون منصور يرن وكان المتصل خالد..

اضطر احمد يرد على الاتصال....
احمد: الو

خالد وهو مستغرب الصوت: منو منصور؟؟

احمد: لا والله...انا ما راعي هالتيلفون..

خالد مستغرب: كيف ؟؟.. شو ..؟؟ منو انت؟؟؟

احمد: انت تعرفه صاحب التيلفون؟؟؟

خالد: هيه اعرفه ليش وين لقيت التيلفون..؟؟

احمد: اخوه ولا تقرب له؟؟

خالد خاف ان منصور صاير له شي: لا ربيعه ليش شو صاير..منصور ياه شي؟؟ تكلم يا ريال (رجال)...

احمد: لا خير ان شاء الله....بس هذا منصور طاح مغمي عليه في محطة البترول وتو شالينه للمستشفى...

خالد: شو تقول؟؟.. أكيد قلبه...يا الله انا كنت حاس على هالحشرة شي بيصير له...وين شالينه...انا بييكم (بجيكم) الحين...

احمد: والله هو في سيارة ربيعي قدامي....واعتقد ماشي مكان نروح له غير مجمع بركاء...اقرب لنا...

خالد: لا حول ولا قوة الا بالله...انزين انا بحاول اطلع الحين وياي في الدرب..

احمد: لحظة لحظة....اشوف جمال وقف السيارة....

جمال وقف السيارة على جنب الشارع وتبعه احمد الي وقف بالسيارة وراه...ويطلع جمال من السيارة ويروح صوب احمد..

احمد يطلع من السيارة وخالد بعده على الخط.....ويكلم جمال: هاه ايش صار ليش وقفت....

جمال يروح يركب في سيارة منصور من الباب الي جنب السايق: ادور على دواه عنده القلب اوين... 

احمد: يعني قام..؟؟...

جمال(وهو يدور في السدة): هيه قام... بس تعبان شوي.....

احمد يرجع يكلم خالد: .... بتصل فيك بعد شوي ..طيب؟؟

خالد وعلى اعصابه: شو صاير...

احمد: لا خير ان شاء الله بس والله خلني بتصل فيك ثواني بس..

خالد: زين شوفه....وانا بطلع الحين....


يسكر خالد....

جمال وهو يدور: ما اشوف اي علبة دواء هنا....افففف

منصور اخيرا يطلع من السيارة شوي شوي يمشي ويتقدم له احمد يسنده: هاه عساك احسن...وين رايح خلك في السيارة

منصور: لا ماعلي...احس احسن شوي...

ويروح سيارته ويركب جهة السايق .... والحبوب كانن عند الجير....

جمال: والله ماشفتهن وانا جالس ادور في السدة....


اكل منصور حبوبه....ورجع راسه لاخر الكرسي....

جمال: اشوفك تعبان خلني آخذك المستشفى...

منصور وهو يؤشر بايده: لا ما يحتاي...بيخف بعد شوي....مشكور...

يطلع جمال من السيارة ويكلم احمد...وخلوا منصور يرتاح شوي....


وبعد دقايق ..جمال يكلم احمد: كيف الحين كأني اشوفه احسن...؟؟

احمد: ماعرف والله صبر بتصل في ربيعه...

خالد ما عنده سيارة وخذ سيارة ربيعه وكان يريد يطلع  بس ما قدر لان سيارة واحد من ربعه كانت مسكره على سيارة ربيعه الي كان بياخذها عشان يشوف منصور....

ويتصل احمد بخالد:....هلا

خالد: هاه بشر كيف منصور؟؟؟

احمد: لا الحمدلله هو قام وخذ دواه...بسألك كيف ناخذه للمستشفى ولا ما يحتاج...

خالد: والله ما اعرف عطني اكلمه....


يروح احمد ويعطي التيلفون منصور: منصور هذا ربيعك باغي يطمن عليك...


ياخذ منصور التيلفون: الو....

خالد هدا من سمع صوت منصور: هاه منصور...شو صار عليك؟؟... 

منصور: ماشي يديد(جديد)...كالعادة...

خالد: كيف الحين محتاي مستشفى؟؟؟؟ 

منصور: لا ما يحتاي..انا بخير الحمدلله.....الجماعة ما قصروا...

خالد: انزين انا اريد اطلع الحين بس هذا بدر النزقة مسكر علي مب قادر اطلع.. صبر الحين اشوفه ياي....

منصور: هيه انت...شو تيي؟؟...خلك هناك...انا بخير...ورايح الحين دربي....

خالد: شو هالعناد...منصور انت مب ياهل..كيف بتسوق الين البريمي..خل عنك هالعناد..

منصور(وهو يطلع من السيارة ويوقف برع عند جمال واحمد): لا مب ياهل..ولو كنت مب قادر بخبرك...

خالد: يا ريال (رجال)....ممكن تسمع كلامي...خلك مع الجماعة الي عندك وانا بيي وبشلك البيت....

منصور: والله انا بخير....خالد مب اول مرة تصير لي هالحالة...عادي متعود...اذا ما قدرت اسوق برقد في واحد من هالمسايد (المساجد)....

خالد: متأكد....؟؟؟....

منصور: هيه خالد انا بخير الحين....

خالد: منصور تراك مب مقطوع الحمدلله نحن موجودين...

منصور:لا تزعل مني يا خالد...بس والله انا بخير....لو كنت تعبان بخبرك....

خالد:ماشي الحال سوي الي تريده يا منصور...

منصور: خلني اكلم الجماعة وبرد اتصل بك...

خالد: انزين شوفهم....

وسكر خالد عن منصور...

منصور يكلم جمال واحمد: والله مب عارف شو اقول لكم...مستحي منكم..

جمال: لا شو تستحي ...عساك الحين احسن...

منصور يبتسم: لا الحين احسن...اتييني هذي الحلات متعود...بس اتعب وايد وغصب عني ما ادري بالدنيا...ويغمى علي,,,

احمد: كيف تقدر تسوق...؟؟...

جمال: من وين يا الطيب؟؟

منصور: انا منصور الكتبي....من البريمي...

جمال: يا مرحبا بك ومعاك جمال...

احمد: وانا احمد المقبالي....

منصور: والنعم...ما قصرتوا والله...

احمد شوي متفاجئ: تو ناوي تسوق الين البريمي؟؟؟

منصور: هيه والله رايح البيت....

جمال: لا شو تسوق...شو رايك تقضي الليلة عندنا فالبيت...وبكرة تطلع..

منصور: لا والله ما اقدر اسمحلي...مشكور ما تقصر...فيك الخير والله..

جمال يحاول يقنع منصور: تعال بنضيفك ما بعيد نحن من هنا من بركاء...عزم انت..والله بتكون بين اهلك...

منصور: والله ما اعرف شو اقولك...مستعيل هناك الاهل محتاييني...بييك (بجيك) غير هالمرة....

جمال: دامك معزم براحتك يا منصور....بس اذا حسيت بتعب اركن السيارة لا تسوق....

منصور: ان شاء الله جمال....ما قصرتوا والله وسمحولي بهدلتكم شوي..

احمد ويضرب على كتف منصور: لا افا عليك...ما سوينا شي....انت باين عليك انسان طيب انا عازمك عندي بعد...يوم عند جمال ويوم ثاني عندي..هاه شو رايك..؟؟

منصور يضحك: ههههه ويوم انا بعزمكم عندي....انت شورايك؟؟

احمد ويصافح منصور بيد ويد الثانية على كتف منصور: بس تم..

وبعد وقفة كانت بداية تعارف بين منصور وجمال واحمد...وبعد ما شكرهم منصور على وقفتهم معاه....واخذ ارقام تيلفوناتهم عشان يرد لهم الي سووا له...وسلم عليهم وركب سيارته راد للبيت......





الساعة 1:00 بالليل.....وعند باب بيت منصور

عايلة سعيد:
سعيد: زوج ام منصور ويشتغل في الشرطة..عمره في بداية الاربعين..
ام منصور فاطمة: تزوجت من سعيد بعد ما يابت منصور بسنتين..
الاطفال:
عبدالله: اكبر عيال سعيد وصف الحادي عشر..
الريم: صف ثامن..
والبقية الصغار: سعود, عبد العزيز, وهند..





الكل راقد.....نزل منصور من السيارة وتعبان آخر درجة والغترة مخلنها على كتفه.....يدق الجرس....مرة ومرتين......والثالثة...

هدوء الليل...وهو يشوف على الباب ينتظر حد يفتح له الباب...

وبعد فترة يسمع حركة وكأن حد ياي يفتح الباب...

ينفتح الباب....ويطلع سعيد ...

نظرة الاستغراب على سعيد....وهذا منصور كيف وصل..؟؟؟

سعيد وهو متضايج لانه قام من رقاده: ... انت..؟؟؟...شو يايبنك؟؟؟ من وين طلعت ...

منصور وعليه نظرة كلها تعب وهو ما عارف شو يرد عليه: ما تريدني اسلم عليك اول...؟؟؟...

سعيد: ماريد سلام يوم الا منك.......

لكن منصور تقدم وخاشمه....وسلم عليه...ويدخل البيت وكل واحد يشوف على الثاني بنظرات....

سعيد يطنز: شو لا يكون شارد من الجامعة وياي سكران...؟؟ لان شكلك كأنك شارب ستين غرشة....

منصور ويرد عليه: الله يسامحك.......وين امي؟؟؟

سعيد: شو تريد مرضعة؟؟؟...امك وين بعد....راقدة...انت تعرف جم الساعة الحين..؟؟....

منصور يسكت وفي داخله قهر...

سعيد ويعصب لان منصور مايرد وهم داخلين الصالة: خبرني ليش ياي نص الاسبوع...شو يايبنك...

تطلع ام منصور من غرفتها وهي تريد تعرف منو الي ياي ومنو الي يالس يدق الباب في هذي الساعة المتأخرة...

تطلع وتنصدم تشوف منصور وهو في حالته: منصور...؟؟؟

منصور: مرحبا امي....شحالج؟؟

ويروح يسلم عليها ويبوسها على راسها....

ام منصور: منصور فديتك....شو صاير...ما من عوايدك...

سعيد: بتخبرني ولا لا.....شو تشوفني طرطور واقف...؟؟؟...يوم اسألك ياوبني (جاوبني)....

منصور وهو يشوف على امه،،،ورد يلتفت على سعيد،،

منصور وبكل عصبية: ياي اشوف شو مستوي هني....ياي اشوفك ليش قالب الدنيا فوق تحت على هذي المسكينة...

سعيد ويرد على منصور: هذي حرمتي قبل ما تكون امك...وانت عاد مسوي عمرك ريال وياي من مسقط...عشان شو خبرني...؟؟ عشان تتقاتل وياي..؟؟

ام منصور: الله يخليك يا بو منصور شوف الولد تعبان...

سعيد: لا تنطيقينها بلسانج تسمعين يا حرمة...انا بو عبدالله..وهذا ما ولدي..

منصور وهو يصرط ريقه: الحمدلله وانا ولد حمد بن شاهر ....

سعيد يطنز: هيه حمد بن شاهر.....حمد الي ودرك..

ام منصور وتحاول تهدي سعيد: الله يخليك سعيد لا تزيد الولد.....(وتروح عند منصور)..منصور ابوي ادخل حجرتك وارقد...مب صاير شي...منو خبرك انت....

منصور: امايا خليني....خليني.....خليني اعرف انا شو سويت له...وانت اسمعني لا تييب طاري ابوي على لسانك...

سعيد: لا بعد يتأمر علينا...هذا ولدج؟؟؟...هذا الي يالسة تدافعين عنه...ما نشوفه في الشهر الا مرة وحدة وبعد ايي يطول لسانه ذراع علينا...

منصور وبدأ التعب يبدي عليه والنفس يضيج: ...حرام عليك انا ماسويت لك شي...اذا ما تباني ايلس في البيت قولي والله من الحين ما بتشوف رقعة ويهي....

ام منصور وبدت تبكي وتمسك منصور من ايده وتحاول تيره (تجره): منصور اسكت وادخل ارقد والي يسلمك..... ولدي روح لا تكبر السالفة.....

منصور ويمسك ايدها ويهز راسه: لا....لا امي....لا خليني.....

سعيد: الي يريد يتم في هذا البيت لازم يعرف انه يالس في بيت سعيد العامري.. 

ام منصور: الله يخليكم سكتوا والله حرام عليكم...

منصور: انزين وليش قالب الدنيا اليوم...قالولي النزاعة بسببي انا (ويضرب بيده على صدره)..بسببي انا.....خبرني الحين انا شو سويت...

سعيد يأشر بايده على منصور من العصبية: ...زولة انت وابوك...

منصور: قلت لك لا تطري ابوي على لسانك...(ويكلم امه)...اماه شو فيه هذا......خبروووني الحين بتينن (بتجنن)

ام منصور: ... منصور لا تعصب الله يخليك...لا تسوي بروحك جيه (كذى)...الله يخليك.......ياربي شو هالحالة...

سعيد ويروح غرفته : انا بروح ارقد ابرك لي من هالشيفة...ولو دريت انك على الباب جان مافتحت لك وخليتك تخيس برع.......


ويدخل غرفته ويسكر الباب بقوة...

منصور وهو يشوف على سعيد وكيف يكرهه ولدرجة انه يكره ابوه الميت.........بعدها يروح غرفته....وتتبعه امه....

منصور وهو يالس على السرير ماله....وماسك راسه...

ام منصور ودموعها في عيونها: ولدي منصور...دخيلك لا تعذبني ... ترا الي فيني كافيني...الله يخليك لا تتشاد انت وابوك...

منصور: لا ..... اكيد في شي... اماه خبريني ليش الحين زايد به الزود وما طايقني.... ما كان جيه (كذى(..

ام منصور: لا تاكل هم يا ولدي يمكن لانه مايشوفك وايد....ولانك انشغلت في مسقط...

منصور: اماه ما سبب هذا ... حتى يوم ادق له تيلفون اريد اسلم عليه...مايرد علي...واذا رد كلمتين ويسكر.....وهو ولا يوم دق لي واطمن علي اذا كنت حي ولا ميت....

ام منصور: ماعلي يا ولدي اليوم هو متضايج وباجر بتشوفه ولا كأن صار شي....

يسكت منصور شوي ويرد يقول: والله عشانج يالس......والله عشانج ولا ما يلست عنده....

ام منصور: منصور....ولدي ما صاير شي...ولا ترد تقول هالكلام هذا بيتك وين تريد تروح.........

ينسدح منصور على الكرفاية ودمعة كانت واقفة على رموشه: ماعرف وين بروح.......امايا انا تعبان.........تعبان......

ام منصور وهي تمسح على راس ولدها وداخلها حزن بس ما قادرة تطلعه: ....سلامتك من التعب فديتك....ارقد فديتك وارتاح.........ارقد.....


منصور راقد على سريره وامه تشوف عليه وتسكر الليت وتطلع عنه....رقد وهو يردد: امي انا تعبان....تعبان....

حتى الي صار له في الشارع محد درى به......ولا حتى حد من اهله بيعرف عنه....رقد منصور يريد يرتاح.....ولكن ما يعرف ان باجر راح يكون اقسى.......











والصبح.....تقريبا الساعة تسع....

ينهض منصور على صوت سعيد وهو يتكلم مع حد على التيلفون....وكان مار على غرفة منصور...ولان ام منصور يوم كانت توعي منصور حق صلاة الفجر خلت الباب مفتوح شوي...

سعيد بلهجة غريبة يقول للشخص الي معاه على الخط: ... ما عرف شو يايبنه....ياي اخر الليل....يمكن ما عنده دوام ... وياي يرتاح...

منصور وهو يسمع كلام سعيد يقوم وطار الرقاد من عيونه ويروح يطلع من غرفته....سعيد وقف في الصالة...

سعيد يقول: لا....ماعرف....ما يسوي لي سالفة...

منصور وهو مستغرب كأن سعيد يتكلم عنه بس مع منو؟؟؟ وليش الشخص الثاني مهتم .؟؟؟...

سعيد ويتحرك برع ويطلع عند المظلة يريد يدخل سيارته .... ومنصور لحقه ووقف عند الباب....

سعيد يكلم الشخص: ...وبعدين؟؟....بس جيه؟؟....لا صحته عال العال....ما شوفه يشكي من شي....

(ويدخل سيارته ويشغلها)


منصور بوقفته ..... والنوم طار من عيونه......يشوف على سعيد وهو طالع من البيت..........منو؟؟؟....كيف..؟؟....غريبة حد مهتم بي ومن صوب سعيد بعد..؟؟؟...




{أسامح مين ولا مين؟؟؟
أسامح قلبك القاسي ولا عيونك الحلوين؟؟؟

سهل عذرك ...صعب جرحك
ولا انسى عيشك وملحك

في عيني دمعتي واضحك
واسأل قلبي المسكين...
اسامح مين ولا مين؟؟؟..}
أسامح مين-عيضة المنهالي





الكـــــاتب
shadow_86

30 May, 2009































(ودي أكون أي شخص ثاني)

(الجزء الثـــالث)







منصور واقف يشوف على زوج امه سعيد وهو طالع من البيت..

منصور يكلم نفسه: لا اله الا الله ما محطي حد ما خبره عني...هذا اكيد واحد من ربعه ومطلع عمره برئ مب عارف ليش انا ياي ومودر دراستي...

رد منصور للصالة ويشوف اخوه الصغير عبد العزيز وعمره سنتين واقف على باب غرفة اهله والمرضعة في ثمه...

منصور وهو يبتسم لعبد العزيز ويروح صوبه: عزوووووز ...

يشله ويخاشمه: شحالك...شو هذي مرضعة يخيي....بطلها بطلها انت ريال (ويبطل عنه المرضعة ويحطيه ورا رقبته)...وين ماما؟؟....

عبد العزيز مسك منصور من شعره...ومنصور: آآآآآخ ... بطل يا الشيطان....عورتني...مشتاق يعني وايد...هههههاي

وراح منصور عند امه الي كانت في المطبخ وهو شال عبد العزيز على ظهره............



{ انا صابر على همي 
اذوب ويحترق دمي
بعد شو تريد يا عمي ؟ ؟
تبي ميت تخليني ؟ ؟ }
الوسمي-










في مسقط/الجامعة.....وقت الغداء

شلة الشباب في مطعم الطلبة في مركز خدمات الطلاب

شلة البنات في مطعم السكن الخاص بطالبات الجامعة

الدكاترة في المطعم الخاص بالاداريين في الادارة



------------------------
مطعم الادارة،،،
-----------------------
الدكتور عماد (فيزياء)، الدكتور محمد (فيزياء)، الدكتور مسعود (أحياء)
وهم على الطاولة ويالسين ياكلون...
د.مسعود: والله اني برسبهم لو ظلوا على هذا المستوى.
د. محمد: ياخي تعال شوف الحالة عندي راح تنتحر..
د. عماد: خلونا نعرف ناكل..بدون ما نزكر (نذكر) الطلبة..
د. محمد: اخر كويز(اختبار قصير) مسولهم،، واحد بس الي جايب عشرة والبقية بالمرة تحت..
د. مسعود: هذا كويز ... كيف لو شفت التست (اختبار المنتصف) الي عاملهم اياه...لا اله الا الله...
د. عماد: انا عاوز اتغدا واريح نفوخي لان عندي ساعتين تدريس بعد كده...




----------------------------------------------
في مطعم الطالبات فالسكن الداخلي:
----------------------------------------------


تدخل فاطمة (سنة رابعة زراعة/علم المحاصيل) وسارة (سنة رابعة علوم/تقنية حيوية),

وبعد ما يابن (جابن) غداهن ينادنهن زميلاتهم وكانن يالسات على طاولة 
(سعاد، مريم، زينب، منى)...
وراحن عندهن...

فاطمة وهي تيلس: اشوف الشعب كله هنا.....مو السالفة ....

سارة: قسم بالله بنتحر من باغي ينتحر معي يرفع يده....

سعاد ترفع ايدها
مريم ترفع بعد

زينب: انا معكم بس لحظة .... لحظة برفع يدي خليوني اقطع قطعة اللحم ....افففففف

منى: معكم للامام معتدل سر....كيف ومتى؟؟؟ قرروا وانا بلحقكم...

سارة: ما يحتاج لها....تو من فوق برج الجامعة...

مريم: الله يهديش...حر ...باغية تطلعينا نصك بصيم وتضربنا الشمس..خلينا نموت براحة شوي...

زينب وبعدها معتفسة مع قطعة اللحم: تو هذي قطعة لحم ولا حطبة...

سارة: الله يهديني ما شي عقل....انزين من فوق السطح اليوم بالليل يوم نحيد الكل نايم...والمشرفة في غرفتها....هاه حلو مو تقولن؟؟

زينب: حلوووو...واخيرا قطعتها...

منى وهي تكلم سارة: سارة للعازبات فقط...يعني مثل زينب ما عتقد
زينب تنتبه لكلام منى: آه وليش يا حلوة؟؟..حلال عليش وحرام على غيرش...

سارة: ما فينا حرام خطيبك ناصر ...انتي برع الخطة..

زينب وهي تضحك: هههههاي لا تخافن بيكون اخر اتصال له ولما اطيح من فوق راح اسمعه آخر صرخة لي...الين طرااااااخ على الارض...متخيلات ؟؟

منى تضحك: هههههههاي الله اكبر عليك....باغية المسكين يتعذب ويتخيل صرختك كل ساعة لآخر يوم في حياته...

مريم وهي تاكل بهدوء وتطش فجأة ولتأثرها الكبير بأفلام الاكشن ،قالت: عندي فكرة اسرع.....ليش ما نجيب مسدس اعتقد اسرع كل وحدة تنتحر في غرفتها..وتسوي بو يعجبها وتودع من باغية تودع....

سعاد وهي ماسكة القفشة (الملعقة) في يدها والفلسفة طلعت عندها: نظراً للوضع الراهن 
والامكانيات...انا اقول مسدس ما بنعرف من هين نجيبه....واذا عقينا عمارنا من فوق السطح له 
عواقب وخيمة...يعني يمكن ما راح تموتن....متخيلات؟؟؟..بس فك ورقبة...والباقي متكسر...

مريم وهي تفكر واللقمة في ثمها: اااخ.....هذا بو يسمع كلام سارة.....قالت من فوق السطح 
قالت....بعده المسدس ارحم...

وهن على نفس السالفة تدخل نور المطعم،،،
مريم وهي تشوف على نور: هذي نور دخلت اكيد عندها افكار فيزيائية

تشوف نور على ربيعاتها وتروح تجيب غداها وتروح عندهن وتسلم عليهن وتيلس،،،

نور ومستغربة: مستحيل شو هذي اللمة...شي غريب اليوم صاير...
مريم: نور... اليوم يوم الانتحار العالمي...جالسين نودع بعضنا...
نور تضحك: خخخخخ والله انكن سوالف...يعني هذي السالفة ما بتبطلنها الين وحدة منكن تنتحر صدج..


والكل يضحك بعد الجدية الي كانن عليها.......

زينب وهي تحذر نور: ....نور ...تحذير اللحم لا توكلي منه....

نور: يابوج ما يحتاي تحذير ينشاف, يالله من دخلت الجامعة لا لحم ولا سمج (سمك) قدرت آكله,

فاطمة وهي تبتسم: ما خبرتكن مو صارلي اليوم..؟؟...

مريم: وانا اشوفش ساكتة...مو عندش

منى: ايش هناك....

والكل يشوف عليها،،،

فاطمة وهي منحرجة: اليوم دعمت......دعمت..... 

سعاد وتكمل: في حائط اسمنتي ..؟؟؟....

مريم ومنى ونور وزينب يضحكن...

فاطمة وهي ماقادرة تنطق: دعمت في ....و و ولد.....

نور: حلفي..؟؟
منى وهي تضحك: ههههههه والله اكشن ودعمتي صدق ولا مصخرة

فاطمة ودموعها نزلن والكل يشوف عليها: بموت...كل ما اتذكر .... لامستحيل باية (باغية) انتحر...





-------------------------------------------
في مطعم الطلبة في مركز خدمات الطلاب،،،
-------------------------------------------

شلة الشباب ،،،
بدر وأكبرهم: سنة خامسة/ علوم فيزياء
خالد: سنة رابعة/تجارة
سامي ومحمد: سنة رابعة/هندسة 




على الطاولة (محمد، سامي، خالد)
محمد وهو يضحك: هههههه عجب فاتني...وكيف دعمت فيها...ما تشوف

سامي: والله ما شفتها ... وكان الحادث عند كسرة الممر ...ماشفتها نعم...

محمد وهو ياكل: ماعلي بتكبر وبتنساها...خخخخ

سامي: مسكينة رحمتها .. شوي وكانت باغية تصيح...

محمد: هههههههاي جالس اتخيل اللقطة....

ويقاطعهم زميلهم بدر،،، الي كان يايب وياه الغداء... وقوطيين بيبسي ويلس،،

بدر والابتسامة على ويهه: ياااه فاتكم اليوم..

خالد يضحك: بعد شو عندك انت ...خخخخ

بدر: كان عندي كويز ... يااااخي ..
محمد: هاه مو يا خي..؟؟

بدر يضحك منقهر: هههههه....آخ بس...ما شفت الصفحة الي ورا حليت اول صفحة بس...برسب نعم...

سامي يضحك: دقك العور انت بعد....مثلي خخخخخخ

محمد: ماعلي بتكبر وبتنساها...ههههه

سامي: تعرفون مو ينقصنا بعد....؟؟...

محمد وهو ياكل: مو ...؟؟

سامي: ان الدكتور يروح عند كل طالب ويقلب له الصفحة....ويخبره بكل سؤال...خخخخ

بدر: خخخخ ما مني صدقني ثلاثة كويزات صفحة وحدة...شو معنى هالمرة كتب وراء....قاصدنها صدجني...ما يريدنا ننجح..

خالد: طنش تنتعش يا بدور...بس كويز...بتعوض... 

سامي يضحك:...كلنا نقول بنعوض ....... وماشين الين ما يخلص السمستر...(الفصل)

بدر: مطنش افا عليكم ما تشوفوني يايب قوطيين بيبسي..

سامي: اشوفك ما ينقص عليك...يقولوا بس لكل طالب قوطي واحد...

بدر وهو يشرب البيبسي: أأأححح...انا سبيشال لاه... يحبوني في المطعم...


بدر وتذكر منصور: صح.....اتصلتوا بمنصور..؟؟؟



خالد: اليوم مافضيت البارحة متصل فيه وكان واصل البريمي الحمدلله..

محمد وهو مستغرب: اموه مو هناك..؟؟ مو فيه منصور؟؟

بدر: امس راجع البيت وتعبه قلبه في الطريق...

محمد: لا والله...صار له شي؟؟؟

خالد: لا الحمدلله قام,,,بس الي صار انه كان موقف في الشيشة وطاح عليهم هناك وشلوه شباب من 
بركاء,,, بس الحمدلله قام ,,,,(وخبرهم خالد بالي صار وان منصور رد البيت لانه ما عنده دوام هاليومين)

سامي: مسكين منصور ما يستاهل...ما خبرتونا امس...

محمد: وانا اقووووول سيارته ما موجودة.....ولا يهمك اذا ما سألنا عن عمنا منصور ابو المناصير عن من راح نسأل.....



فجأة يدخل طالب فالمطعم وهو يقول: وحدة دعمت طالب تعالوا شوفوا...

الشباب ما مصدقين وفزعوا يشوفون شو صاير...
طلعوا من المطعم والشارع المقابل لمركز خدمات الطلاب..كانوا الطلاب ملتفين على واحد سنة اولى مسكين كان يقطع الشارع ودعمته بنت بسيارتها...
الطالب المتعور كان طايح ومغمي عليه...واوراقه كانت منتشرة على الارض...والبنت في سيارتها ما نزلت...


بدر والشلة وهم ينزلون الدرج: راح المسكين تكسر....منو هذا عرفتوه..
الطالب الي خبرهم: ما عرفه....
خالد: الله يستر.....






{اذا يسوى الدمع سيلي
وخله ينهدم حيلي
اصيح الويل يا ويلي
ولا واحد يواسيني}









الكـــــاتب
shadow_86

13 June, 2009










	




















(ودي أكون أي شخص ثاني)

(الجزء الرابع)





بدر وخالد يشوفون على الطالب الي طايح...


صفارة سيارة الاسعاف تنسمع ياية من مستشفى الجامعة...



بدر وهو يتقرب من عند الطالب: هاه كيف متعور ..شباب.؟؟

واحد من الشباب الي كان ماسك الطالب: شكلها الضربة جاته في رجوله...قام بعد الضربة لكنه طاح ... 

واحد من المتواجدين يقول: هذي سيارة الاسعاف وصلت..

خالد يكلم بدر: منو هذا عرفته..؟؟

بدر: لا ما عرفته...


سامي ويكلم محمد: شوف قسم بالله مالها وجه...

محمد: ما منها من الي عاطنها سيارة....

سامي: دقها العور ما شافته بهذا الطول والعرض...

محمد: كماك يوم دقك العور ودعمت في البنت...(ويشوف سامي على محمد وكأنه يقول في فرق كبير)



وتوصل سيارة الاسعاف وينزل المسعفين ويشلون الطالب المتعور،، واحد من الشباب راح وركب وياه..

بدر يكلم الشاب الي ركب سيارة الاسعاف: تريدنا نلحقك ولاشي..

الشاب: لا ما تقصر نحن نعرفه والبقية بيلحقونا بالسيارة...ما تقصر..


ويسكر المسعف باب الاسعاف وراحوا به الى قسم الطوارئ....


ويت (جت) الشرطة تكمل الاجاراءات مع البنت....وانتشر الطلاب كل واحد راح لشغله...الي عنده محاضرات الظهر والي ما عنده شي والي رايح يتغدى....


وانتهى هذا اليوم ... حاله حال أي يوم ....يوم أسود للبعض ويوم ابيض للبعض...يوم واحد يضحك فيه...ويوم واحد يبكي فيه...

طالب السنة الأولى الي اندعم قام بالسلامة مع كسر في رجله..وكمل دراسته بعد اسبوع مع عكازه...


منصور قضى الاجازة في البيت ورد بالجمعة مسقط...والحمدلله كان حاله احسن، صحيح ان زوج امه "سعيد" شاد حربه عليه بمعنى ان النزاعات دايمة وكثرانة ...بس بعد ما راح منصور البيت وتطمن على اهله وشاف ربعه في البريمي وطلع وياهم و غير جو .....رد لدراسته بحال افضل وعزيمة أقوى...





***************************

في يوم من هذاك الاسبوع...
وفي الجامعة بالتحديد...

منصور وخالد رايحين يسون نسخ وتذكر منصور انه لازم يسحب فلوس..فاتفقوا يروحون يسحبون فلوس من البنك (في المركز التجاري وسط الجامعة)


راح منصور يسحب.....وهو يشوف على الرصيد تقريبآ (200) ريال ... وسحب الي يريده وطلع..

منصور وهو يفكر ويكلم خالد: ياخي خالد...انا مستغرب من شي واحد...

خالد: هاه شو ...

منصور: كل شهر لازم احصل في رصيدي 150 ريال...

خالد: اوف مرة وحدة ... الجامعة ما تعطي الا 120 ريال...

منصور وهو يشوف على خالد: لا....هالفلوس غير عن الي تنزله الجامعة..

خالد: كيف يعني ...

منصور: من عند سعيد هالفلوس...كل شهر لازم يحول 150 ريال ... ولا شهر طاف بدون ما يحول لي...أنا مستغرب...


خالد : سعيد؟؟؟...متأكد انت....؟؟؟

منصور: هيه والله...من عنده ... ودايما يذكرني ما ألعب بهن..حتى الكنادير الي افصلهن وكل شي احتاجه من هذا المبلغ......تعرف سنة اولى وثانية كان بس ينزل 100 وسنة ثالثة والحين رابعة قام ينزل 150


خالد ومستغرب: شفت يا منصور..يحبك ولو كان ما يحبك ما كان طرشلك هالمبلغ...ولا تنسى عاطنك سيارته البي ام

منصور وهو يشوف على خالد: خالد أنا ما انسى فضايله علي..لكني صدج بتخبل...ما اقدر ايلس وياه ولا مرة كولد مع ابوه...لو كان يحبني ويحسبني مثل ولده ليش دوم هالمشاكل ويوم يشوفني كأنه شايف شيطان...

خالد وهو يضرب منصور على كتفه: لا تتخبل ولاشي...صدجني ايام وبتعدي....وبتتذكرني يوم يرد كل شي مثل أول...بتقول كلام خلود صح...

منصور: ان شاء الله يا خلود...

خالد وهم واقفين على باب مركز النسخ والتصوير: اوف زحمة...


وبعدها دخلوا...








وعند كلية العلوم وبالتحديد عند مختبر الفيزياء للكمبيوتر-الطابق الاول..

تطلع نور من المختبر وهي تتكلم في التيلفون: وين القاك؟؟

الشاب الي على التيلفون: عند اللفت (المصعد)،

نور: ما اريد احراجات وانت عارف...

الشاب: لا اله الا الله ولا كأنج تعرفيني...محد بيقول شي والي بيقول بكسر راسه...

وشوي تشوفه نور وهو ياي من بعيد وقالت له: سكر..سكر..يالله اترياك عند اللفت..


يسكرون عن بعض ويوصل الشاب عند نور عند اللفت..ويسلمون على بعض،

نور: بدر ... بنوقف هني ؟؟؟ الحين حد بيطلع من اللفت شو بيقولون عنا.


بدر(هو نفسه ربيع منصور/سنة خامسة/فيزياء)


بدر: لا اله الا الله ... شفيج انتي جي؟؟؟..خوافة..انزين مشي جدامي صوب اللاب (المختبر)

نور: غبي حد يوقف جدام اللفت عيل.....

بدر: لا تسبيني ترا تسبين عمرج... عندنا نظرية الاكواليتي (المساواة)... لا تنسين..

نور: بدر؟؟؟... الفلوس ..

بدر: ولا يهمج طال عمرج جم تبين..؟؟

نور: 10 ريالات بس... ترا الاربعاء بنزل البيت...صبر ...تعال لا تقول انك ما بتنزل؟؟

بدر: نور الاسبوع الماضي نازلين ما يخلص هالدرب...قري مكانج...امتحانات وشغل وايد..

نور وهي تشوف على بدر: تعرف اني ما اصبر عن البيت...مب مشكلة بنزل ويا الباص,،،برايك انت تم..

بدر: احسن شي انج مسوية تصريح للباص...عشان ما تطفريبي كل أسبوع..


ويطلعن فاطمة وسارة من اللاب (المختبر)،


بدر: هاه اشوف المرتزقة هنا...شو يايبنهن ؟؟ هذا اللاب حقنا معشر الفيزياء..يايات من الزراعة بعد... عندهم هناك لاب...

نور وتضحك: ههههه اسكت ما زين منك بيسمعنك..

بدر: انتي اكيد تعطينهن الباسورد (الرقم السري) مالج..

نور وهي تشوف على بدر بنص عين: اشوف عيونك عليها...صد صوبي اشوف ...

بدر: احم احم...انزين انا بدخل اللاب عندي مشاريع على بعض المنتديات..

نور: مشاريع هاه؟؟؟ عندك امتحانات خل عنك هاللعب.

بدر: يالله عن حد بعد يطلع ... وانتي ما قادرة تعترفين اني اخوج..

نور: انت طلع الفلوس وروح اشوف..

بدر: بعد ياي اتطمن عليج...تشوفين اخو واقف مع اخته مثلي..وبعد يعطيها 10 ريالات؟؟..

نور وهي تاخذ الفلوس عن حد يشوفهم: الله يخليك يا خوي...ما تقصر..منو لي غيرك هنا...اعرف امي تحن 
على راسك...خخخخ

بدر: الله يسامحج...روحي اشوف....بس لاتدخلين اللاب..

نوروهي تروح صوب اللاب وتعطي بدر ابتسامة: اغراضي داخل...

بدر: سبحان الله !!.. (الريال يريد خصوصية واخته موجودة ما يصير)




سارة وفاطمة وهن يمشن فالممر بعد ما طلعن من اللاب،،

فاطمة: ما شاء الله عليهم..اخاف عليهم من الحسد...

سارة: والله حلو يكون عندك توأم....يا سلاااام يااااليت لو كان عندي...

فاطمة: بس شي مضيع عليهم راحوا... وداروا ... واخر شي حطوا على الفيزياء..لو اختاروا تخصص ثاني..

سارة: ما فيه شي تخصصهم ... بدر تخصصه الفرعي جيولوجيا وهذا المطلوب الحين....ونور تخصصها الفرعي طبي ...

فاطمة: خلي عنك تخصصاتهم...انتي ما شفتي عليه كيف كان يشوف عليك..؟؟؟

سارة وانحرجت من كلام فاطمة: لا ماشفت...انتي عيونك فيه...عيب يا بنت..

فاطمة: بس ما شاء الله عليه مثل ما يقولو "غرشوب" ... وما غريبة ان البنات عاقات عمارهن عليه...

سارة وهي تشوف على فاطمة: تو عرفت ليش دعمتي في ذاك الولد..


فاطمة وقفت وتسترجع الموقف،،

سارة: هههههه امزح معك تحركي اشوف..

فاطمة وملامح غريبة طلعت عليها وكأن جبل فوق راسها: لييييش ذكرتيني...؟؟




بدر ونور .. اخوان توأم.. ومعظم الطلبة يعرفون هالشي بسبب تناقل الخبر وكون توأم في الجامعة فهذا 
شي نادر..ولا ننسى هم سنة خامسة...

بدر ونور من البريمي بعد...ودايما اذا نزل بدر ياخذ اخته معاه بدل ما تتلعوز في الباص..ومن كثر ما توصيه 
امه على اخته كان يوم يريد يشوفها بس يتصل فيها ويلتقون في الكلية....رغم انه ما يحب حد من ربعه 
يشوفه واقف معاها..من غيرته عليها ....بس وضعهم في الجامعة كـطلبة خلاه يتعود..

.... 

.......
....
.


نهاية الاسبوع 


هالاسبوع منصور رد البيت بعد،

يوم الخميس الساعة 9 ونص مساء

بعد صلاة العشاء ... قرر منصور يطلع مع عيال خاله للمول فالعين...وكان يتلبس ويتجهز في غرفته...سعيد وام منصور في الصالة يالسين مع العيال ويشوفون على التلفزيون.


طلع منصور من غرفته: انا بطلع ويا عيال خالي بنروح العين...توصين بشي امي..؟؟

ام منصور: لا فديتك الله يحفظك..

منصور يشوف على سعيد وسعيد طبعا له كلام: رجعة نصايف الليل ما اريدها تسمعني..؟؟...ما اريد اخلي الباب مفتوح لاخر الليل..

منصور وضغط على عمره وعلى لسانه وطلع كلمة ابوي،

منصور: ان شاء الله "ابوي" كلها ساعة زمان وبرد.

سعيد حتى ما التفت على منصور..

وطلع منصور...


ام منصور: ... حرام عليك الولد ما سوالك شي..

سعيد: العيب كله من وراج..خليني اربيه انا ...مب تربية حمد..

ام منصور: حرام عليك وبعد يقولك ابوي..


سعيد: حرام علي انا ..؟؟... احسن تنطمين وتسكتين... دامه في بيتي لازم يعرف متى يرد ومتى يطلع...

وتسكت ام منصور وفي داخلها محد يعلمه غير الواحد الاحد....




{ياما حاولت الفراق وما قويت
كنت أبي انساه لكن ما نســـيت

ما عصاني قلبي بعمره
ولكن الاكيد اني أنا الي ماشتهيت..!!!}
عبدالمجيد عبدالله-يا ما حاولت.





في الجيمي مول/العين

منصور وعيال خاله طلال وصقر يالسين في الكوفي على الطاولة المعتادة الي يلسون عليها،،،وشلة شباب يضحكون ويسولفون على طاولة بجنبهم،،،وفي ريال (رجال) كان لابس عقال وشكله اماراتي يالس على طاولة بروحه ويشرب كوب قهوة عمره بداية الاربعينات،



طلال أكبر عن منصور بسنة (22)....وصقر أكبر بثلاث سنين (24) 

صقر ما شاء الله عليه يشتغل في بوظبي ومكون نفسه وخاطب بنت عمه .. يتميز بهدوئه وتصرفه الحكيم 
رغم ان الحياة بعدها ما علمته شي.

اما طلال فعكس اخوه وطايش الله يهديه وبرغم هو اصغر بس عليه طول وعرض ينشاف اكبر عن اخوه....,, 
ودايما ما يسكت في أي شي يصير الين ياخذ حقه...حتى لو بالضرب...



طلال وهو يشوف على شلة الشباب: يا الله هذي ثاني مرة اشوفهم قسم بالله مب ريايل شوف شعر الواحد منهم واصل الين ظهره....

صقر وهو يشرب كولا: يا ريال شو تريدهم ... بديت بديت انت...

طلال: انزين ترا ساكت بس اذا سوا حركات مثل هذاج اليوم لا تلومني فيهم...

منصور (وهو يشوف على الريال الاماراتي وكان واقف بجنبه واحد اجنبي لابس فانيلة وبنطلون بلون 
اسود وعليه عضلات): خلوا عنكم هذول ...ِشوفوا ذاج شو محطي حذاله (بجنبه)...

طلال تعجب: خيييييبة مب عضلات عليه...

صقر: الحين ما تشوف مواطن الا عنده بودي جارد (حارس شخصي)...


وترتفع ضحكات شلة الشباب (رواعي المشاكل)..

منصور: خلونا نقوم....طلال ... صقر ... قوموا من هذا الكوفي ما ياين نيلس...نريد نتمشى..

طلال وهو يشوف عليهم: يالله خلونا نقوم...



بعد ساعة زمان ... عاد منصور وطلال وصقر طالعين من المول ورايحين صوب المواقف وهم يضحكون على طلال...الي عطى تعليق على بنت ظبيانية شافها وهم يتمشون....

منصور: قسم بالله انك ما تستحي شو تبيها...

طلال: ما اببها هي يالسة تبحلق فيني ... يا ريال ما قلت شي ...


ويشغلون السيارة ويوم طلعوا من الموقف وتحركوا... فجأة في واحد رمى بسلة مال التسوق (فيها 
عجلات) جدام السيارة ولان صقر انتبه للشاب مسك بريك..وضربت السلة شوي في السيارة...

الشاب وكان واحد وياه ركضوا ..ونزل طلال ركض صوبهم: تعال يا النذل انا براويك..

ما ركضوا مسافة طويلة لان السيارة الي تنتظرهم ما كانت واقفة بعيد (سبورت(

ويوم بغوا يدخلون السيارة مسك طلال بواحد منهم من كندورته ورماه على ينب..

منصور وصقر الحقوا بطلال ... الشباب الي في سيارة السبورت طلعوا..

نفس شلة الشباب الاماراتيين الي كانوا في الكوفي....شافوا سيارة صقر (وهي في الاصل سيارة 
اخوه الكبير) عليها رقم عمان...وبسبب الطيش الي فيهم شاتوا بالسلة عليهم...وبغوا يشردون بس ما 
كملت لان طلال مسك واحد فيهم...

الحين واقفين قوم منصور في جهة والشباب الاربعة الاماراتيين في جهة...

صقر: شو الحين نتصل بالشرطة..؟؟

الي كان يسوق سيارة السبورت ويلف ويهه على جنب: هاه شو عندكم؟؟؟.....بعد ياين في بلادنا وتستبلون علينا ؟؟..

صقر: شو يعني شفت الرقم عمان وعقيت حكمك..؟؟

طلال: صقر الله يخليك هذا ما يبالهم حد يناغيهم (يكلمهم)...بلغ الشرطة..

واحد من شلة الشباب: وليش الشرطة ..؟؟...روح روح ولا تستبلي علينا...

والثاني منهم يضحك: هههههاي قال شرطة....شرطة ابوك هني....اههههاي...

طلال وعصب: لا والله...بعد تكذبنا...

منصور: هدوا يا جماعة...

طلال: لا ما بهدي اذا ما يات الشرطة تاخذ حقنا باخذه بيدي والله... جيه شو تحسبني انت؟؟...خيفان منك ..؟؟


الشاب الي كان يسوق السبورت: ... ولا نحن خيفانين منك تبي تييب الشرطة ييبها ونحن ما شفنا شي 
وانت الي وقفت سيارتنا .... حد شهود عندك؟؟ ..... ولا تعال ضارب بنراويك شغلك...



طلال: لا احسن اراويك انا السنع...يوم ما تعرف السنع بسنعك... واذا السيارة فيها شمخ واحد 
انت.....نعم... عن عينك بتصبغه..."

صقر ساكت......ومنصور يشوف....


وهم على وقفتهم ... طلال كان معصب لاخر درجة وصقر له اسلوبه ويجادلهم...وشوي منصور دخل بين طلال و واحد من الشلة...


الاماراتي ضرب على كتف منصور ودزه شوي بس منصور كان جسمه اقوى عنه...وراح منصور مسك 
الاماراتي من يده ودزه...




والموقف بدأ يحمي ..... وقفوا شوي على ينب لان سيارات من المواقف كانت طالعة وداخلة...ومن 
حظهم ما كان في شرطة او من امن المول في هاللحظة....




وشوي ،،، 



ينسمع صوت شخص وهو يقول: شو صاير......؟؟

الريال الاماراتي يدخل بينهم نفسه الي كان في الكوفي يالس....


وقف هذا الريال حذا منصور....والحارس الشخصي موجود على جنبه الثاني..

منصور: والله ان السالفة اشوفها بتكبر ... لو انهم يعترفون بغلطهم بس (ويأشر على الشباب الاماراتين(..


لحظة صمت....الشباب الاماراتيين ساكتين,,,


منصور صد على الريال الاماراتي والحارس الشخصي واقف بجنبه...يشوف على هيبته وكيف بوصوله
سكت الجميع...كان يشوف على هدوئه...كان يشوف عليه وهو يشوف على منصور...تلاقت نظراتهم مع 
بعض لثانية...وبعدها صد الريال عن منصور...وانتبه منصور لنفسه وصد عنه..






}يا دمع عيني خف جرحت عيني
والعين تبكي خوف تفقد بصرها


ودي الصبر والوقت يرحم انيني
والنفس من ذا الصبر تجني ثمرها{
منصور زايد-يا دمع عيني






الكـــــاتب
shadow_86

17, July, 2009





(ودي أكون أي شخص ثاني)

(الجزء الخامس)





الريال الاماراتي بكل هدوء: انا شفت الي صار....واعتقد انكم غلطانيين..(ويصد على الاماراتيين)

طلال: الحمدلله حد يا (جاء) يشهد...شو تبونا نتصل بالشرطة تراني جاهز..


صقر يكلمهم: ترا ما من صالحكم...احسن لكم....ما نريد نوقف ونلم العالم علينا..


الريال الاماراتي: انتو تعرفون ان هذه الغلطة بتوديكم مراكز الشرطة واعتقد انكم في غنى عن هذا 
الشي....(ويلس يكلمهم وهو طوال الوقت كان من الكبر الي فيه او لسبب ثاني ما يصد على واحد منهم 
وكلمته وحدة ما يعيدها والكل كان يسمع له).......


الريال الاماراتي بوقفته مع قوم منصور خلى الخوف يدخل بين شلة الشباب الاماراتيين..ومن شكله كان مبين انه عارف بالقوانين وله سلطة ومكانة واذا تدخل اكيد راح يكون الحق مع قوم منصور مهما حاولوا انهم 
يتخلصون من الموضوع....



وبعد فترة وكلام صار بين الطرفين.....واخر شي اعترف الغلطان بغلطته طبعاً شلة الشباب الاماراتيين 
واعتذروا لقوم منصور...والسيارة من حظهم ما لحقها شي...وبهذا الشكل انتهت السالفة على خير..

وكل ركب في سيارته...وقام صقر شكر الريال الاماراتي الي كان شاهد....


صقر: والله ما عرف شو اقولك يا الطيب...يزاك الله خير...

الريال الاماراتي: انا ما سويت غير الوايب (الواجب)...الساكت عن الحق شيطان اخرس....

طلال: .... والنعم والله...

منصور ما يقول شي...

الريال الاماراتي وصد على منصور ورجع صد على طلال: ...ترا العنف ما ينفع مع مثل هالاشكال...والمرة 
الياية لا تخلون حرارتكم تسيطر عليكم...حتى لو كان الحق معكم.....لانكم اذا دخلتوا في ضرابة تعرفون 
شو الحكم ما لازم اقول....لا ضارب ولا مضروب بيطلع منها...

منصور عرف انه يقصد الوقت الي مسك يد واحد منهم وابتسم: ... مسكة شوي على اليد يمكن تخوف....

الريال الاماراتي وهو يؤشر على الحارس يقرب السيارة: ... المهم .. انا بترخص (بستأذن) منكم... عندي 
ارتباطات ولازم اطلع الحين...

صقر: اسمحلنا عاد....

ويسلم عليهم ويروح يركب السيارة وطبعا هو ركب يسوق والحارس على الكرسي الي جنب..... 

منصور وهو يروح يركب السيارة تمر سيارة هذاج الريال بجنبه....يشوف عليه...وهو يشوف على منصور 
لحد ما طلع من المواقف... صقر ينادي على منصور يركب: منصور شو موقفنك ... يالله اركب"....(وركب 
منصور(....



{في هواهم تيموني
عاكسوني في دعواهم ؟!

وبـــهجرهم لــــوعوني
والي بلاني من عناهم! !}



منصور وطلال وصقر وهم رادين في السيارة..

طلال: يوم اقولك مرة ثانية لاتلومني...ِشفت ؟؟..

صقر: شو ع بالك امراتيين ؟؟؟... والله ما ياهم ... الاماراتي وهو اصل ..ما يرضى على عمره يسوي 
هالحركات......

منصور: نعم صدجت .... والدليل هالريال الي وقف ويانا ... اماراتي والنعم فيه... 

صقر ويكمل: .... وقف وقفة ريايل ...يزاه الله خير...

منصور: نعم انه حقاني...بس وقفته غيرت الموقف...يمكن خافوا من البودي جارد الي عنده (وضحك 
منصور)...

طلال (يضحك): ههههههاي بروح احط واحد مثله ترتبيشن..

منصور ضحك:..انت بروحك بودي جارد...خخخخ





++++++++
ومرت الايام .... نص الفصل الدراسي الاول بالنسبة للطلبة انقضى....وباقي على الامتحانات النهائية 8 اسابيع....


يوم السبت المساء 10:00

منصور يدخل على بدر وهو يالس في غرفته يشتغل على الاب توب ماله...

منصور: هاه بدر بعدك ما رقدت؟؟؟؟

بدر: لا بعدني يالس شوي اشوح في هذا المنتدى.

منصور: بصراحة ياينك عندي طلب شوي اذا فاضي؟؟

بدر ويسكر اللاب توب: انا كلي فداك حبيبي...آمر بس....اكيد تريدني اشرح لك شي..اشوفك ماسك 
اوراقك..

منصور: والله هذي المادة شوي مستصعبنها والاسبوع الياي عليها امتحان المنتصف.... اريدك تفهمني 
بعض الاشياء..

بدر وهو يشوف على الكتاب الي في يدين منصور ويضحك: خخخخخ بالذات هذي المادة يبت فيها A-

منصور: الالكترونيكس (الالكترونيات)...؟؟؟؟

بدر: هي بعينها....تعال..تعال...خبرني شو ما فاهم...

منصور وهو يبطل كتابه: الحمدلله ... خلاص ما بحاتي....هيه بدر شو رايك تدخل الامتحان عني....؟؟؟....

بدر: لا الله يخليك ما مزداد...

منصور يضحك: اصلا الدكتور محمد يخلي حد ... يعرف كل طالب... لو كان اجنبي ما مشكلة لكنه عماني 
بيصيدنا....هههههههاي


بدر: يالله خلنا نشوف.....شو ما فاهم ...

منصور:..... نصه ما فاهمنه... الله يعينك علي الليلة..

بدر: ما مشكلة باخذ نولي منك بعدين...خخخخخ

منصور: انت الراهي الحين بتيي تاخذ مني أنا الفقير...؟؟




وشوي بدأ بدر يشرح لمنصور وظلوا لحد الساعة 12 ونص وبعدين كل واحد راح يرقد في غرفته...




منصور وخالد (لا تنسونه سنة رابعة/تجارة) يرقدون في نفس الغرفة..

وقبل ما يرقدون كانوا يتكلمون...خالد يحب وحدة من الكلية...وهو على علاقة بها من سبع شهور.. علاقتهم 
ما تعدت التيلفون...وخالد هو الي ياب رقمها...طبعا البنت كانت ترفض في البداية بس بعدين اقتنعت به 
لانه كان يأكد لها انه ياي من جدام البيت....ومن ناحية ثانية ترا حتى في الكلية ما كان يقدر ييلس معاها 
لانها ترفض كونها بنت تخاف على سمعتها.... وهذي البنت هي نفسها "منى".....

منصور: هاه يا العاشق الولهان...اشوفك ما رقدت...

خالد: .... آه من الحب....

منصور: اسكت اسكت عاد تريد تغيضني...؟؟...ترا انا لو اريد احب جان حبيت من زمان...

خالد: يالله ..... الحب يذبح.....انت جرب بس...

منصور: شو بعدك ما ودرتها...

خالد وهو على وشك يرقد: حد يودر قلبه...؟؟؟....

منصور: اوفففف شو هالكلام...وينها تسمع بس...

خالد: منصور انا اريدها زوجتي....والله ناوي اخطبها من اهلها...

منصور: بالمبارك عليك.....ما شاء الله الريال يخطط....اههههههاي والله انك مفاجآت يا خلود....

ويكمل منصور: انت متأكد انها تريدك..

خالد وهو يغطي ويهه: شور (أكيد).....{ويرجع يطلع عيونه ويشوف على منصور}...منصور شو قصدك..؟؟.....

منصور يضحك: اههههههاي ماشي انت الكينج اوف لوف (ملك الحب)...انت بكبره شو تريد....يسدن هالعيون شحلاتهن طالعات من تحت البرنوووووص...نعم شو تريد بعدها...

خالد ويتلحف: اهااااا الحين انت صح.......بررررررررقد وراي محاضرات من الفير (الفجر(...

منصور: انت لاعي بروحك محد قال شي...ارقد ارقد...




وراحوا يرقدون ............

.

..

...

....

الساعة تقريباً 6 إلا ربع الصباح .....بعد صلاة الفجر بنص ساعة...

حد يدق الباب على غرفة منصور وخالد بقوة....ويقوم منصور من رقاده متروع....وراح يفتح الباب ولا يشوف بدر على الباب وحالته حالة...

بدر ما كان قادر يوقف ويتألم: منصور الحق علي....آآآآآخ

ويطيح بدر على الباب .... منتبه بس يتألم وايد...ومنصور ما عارف شو فيه... خالد فزع بعد ..... 


منصور وهو يكلم بدر: بدر شوووو فيك...

بدر: خــ....ــــاصرتي ..آخ بموووت 

خالد وهو يسند بدر من جهة ومنصور يمسكه من يده الثانية ويدخلونه غرفتهم ويخلونه على سرير منصور 
... 

بدر يتألم: آخ ما قادر .... لا تخلوني 

خالد: بدر شي ماكل بالليل.... ؟؟؟

بدر: لا ....... بمووت خالد .. ويع قــــ.....ــــوي

منصور: ... افرد ريولك شوي انزين... (وبدر كان يرتجف ويتألم)

خالد: انزين من وين؟؟؟.. ظهرك ؟؟؟

بدر: هيه .... آخ ... يالله 

منصور: قوم البس خالد ... أكيد كلوته (كليته).... خلنا نشله الطوارئ...

بدر وهو يتألم على السرير:......يالله....ارحمني


خالد: بدر...بدر... شو صاير عليك....هدي شوي... شو ما خف ؟؟؟

بدر: لأ ...... خــالد ...ما قادر...

خالد: ما قادر شو..؟؟

منصور: خالد شو يالس تسأله قوم البس الريال تعبان....ولا ما بتشوفه جي طايح هالطيحة...

خالد: ترا اقول يمكن بيخف عنه.... بس ما شكله ...بقوم بقوم

بدر وهو يتويع وما قدر يتكلم حتى : ... يالله .... ما مصلي الفير (الفجر)... 


قام بصعوبة... وخالد يمسكه: وين بتروح...؟؟

بدر: وصلني..... الحمام.....بتوضأ...

ويوصله لحد الباب... ويدخل بدر دورة المياه...وطلع بعد فترة...وهو من الألم ما قادر يمشي... وقام يريد 
يصلي... وماقدر لا يركع... ولا حتى ييلس للسجود...لان الالم كان قوي لدرجة ماقدر يثني رجله.... 

منصور: ... يابوك ما تروم قوم....قوم....الله كريم بتقضيها بس تكون بعافية....


بدر ما رضى إلا يصلي....وآخر شي صلى ركعتين وهو واقف...و بعدين راحوا طوارئ مستشفى الجامعة 
والساعة وصلت سبع الصباح.....دخلوا الطوارئ وخالد يسند بدر لحد ما راح منصور يحط سيارته في 
موقف...


قسم الطوارئ ودخلوا غرفة المعاينة (المكان الي يشوفون حالة المريض اذا تستدعي ترقيد أو لا) 
وكان في ممرض فلبيني وكان عنده مريض شاب يقيس له الضغط...

خالد: الريال تعبان ... وين اروح به...

الممرض ويؤشر على كراسي الانتظار: روح اجلس....جست ويت (بس انتظر)

خالد: لا ما يقدر ييلس ... هي كانت ويت (هو لايستطيع الانتظار)...

الممرض ولا كأنه سمع شي...وبدر كان يتألم وماسك خاصرته ويقول: خالد ....

خالد وهو يشوف على كرسي متحرك: بدر ايلس هنا....

بدر: لا ماااااااا...قااااااادر ايلس.....آآه..آآه...

خالد: شو هالحالة اليوم.....حاول انزين" ....وبصعوبة قدر بدر ييلس على الكرسي...

المريض الموجود عند الفلبيني رفض يتعالج وهو يشوف على بدر يصرخ من الألم...وقال دخلوه هو وانا 
بنتظر.... 

الممرض الفلبيني دخل بدر بعد مجادلة .... وسأله اذا كان طالب...وجاوب خالد عليه انه طالب من 
الجامعة.....قام الممرض الفلبيني سأل اذا كان عند بدر امتحان...الشي الي خلا خالد يعصب...ويتنازع 
معه...

وبعدها يا (جاء) منصور:...شو سويتوا...؟؟.... ليش ما دخلوه داخل.....؟؟؟

خالد: شوف الحالة ما حد مرضى ... الكراسي فاضية,., وهو يالس لنا ويت ويت (انتظر انتظر)...

الممرض الفلبيني كان ياخذ الضغط حق بدر وهو يتألم ماقادر يمد ايده.... قام الممرض يقلده بصوت خفيف.....

بدر ويصد على الممرض: ..... ريممبر ماي فيس (تذكر ويهي).....

منصور: ما يحتاي هالعصبية خالد....ولا بيعاديكم....

خالد: انزين شوف انت....روح تفاهم وياه....


منصور راح سأل الممرض شو العلاج وبدر يتألم،،خبره ان ما بيده اذا كان الالم في الظهر لازم ياخذون 
فحص واذا طلع فيه شي راح يعطونه الدواء المناسب....وفي الوقت الراهن كان لازم ييلس بدر ينتظر 
في الانتظار....


بدر وهو مسك تيلوفنه: خالد .... امسك ... دق على اخوي محمد .... يعرف حد من المستشفى....ترا بموت 
على هالكرسي.... (بدر كان يرتجف)...


خالد راح وكلم محمد -اخو بدر....الي راح تصرف ودق على دكتور موجود في المستشفى ومن حظ 
بدر ان هذاج الدكتور كان مداوم....وفي الوقت الي كان الدكتور يتصل عشان يدخلون بدر....


بدر يكلم منصور والتعب خلاص هاد حيله: منصـــــ....ــــور...

منصور: شو بدر...؟؟؟

بدر ومحطي يده على فمه: بــــرجع.....(يعني بيطلع الي في بطنه) 

قام منصور وخذ بدر لدورة المياه ومسكه هو وخالد ولما دخلووه .... طاح بدر على الارضية.....

منصــور وهو يمسك بدر: بـــــدر......بدر.......تسمعني؟؟...بــــدر...يالله ...







وفي سكن الطالبات،،، وبالتحديد في غرفة نور اخت بدر


وهي يالسة على السرير وجسمها يرتجف من الحمى:.....شو صاير....؟؟...!!!



}شو السالفة قلبك تغير حنانه
وانا الي اول كنت مالي عيونك

عشان قلبي حب قلبك وصانه
ولا أنت ما يعجبك منهو يصونك ؟{








الكـــــاتب
shadow_86

9, August, 2009