السلام عليكم .. حد هنا من مجموعة الطب البيطري؟

أنا أريد أشارك في مجموعت الأغذية و التغذية و قبل عن هذا أريد أحول زراعة أعشقها ه الكلية ما أعرف ليش ...

اهههايوا............. وانا سنة ثالثة ةتخصص تقنيات مياة

جميل تواجد الزراعيين

أنا كلية العلوم الزراعيه والبحريه
سنه اولى يعنى ما موجودة في اي
مجموعه .
انا حبيت الكليه بس اسمع
عبارات التحبيط من كل جهه حاولت اتجاهل الكل
وقدرت الى ان وصلنا الحين فترة التسجيل والان
الكل ينصحني بالتحويل لعدم توافر الوظائف واذا
وجدت فهي للذكور . كرهت ان اكتب هذه الكلمات هنا
لانني سبق وان عاهدت نفسي ان لا افكر في التحويل
مطلقا ولكن لنا نحن البشر قدرات محدودة في التحمل
وانا قدراتي في التحمل قد استنزفت على مدار سنه كامله

حبوبه كلام الناس واجد واذا جلستي تسمعيه ما بتوصلي لشي
شوفي وين راحتك و استمري فيه ..اما اذا سمعت الناس ما بتستقري فاي كليه ولا بتسوي شي

انا سنة ثالثة ..تخصص وتر تكنلوجي

ابا انظم لمجموعة تربة والماء لكن ماعرف من هين هع.. ان شاء الله هالفصل اكون من ضمن هالمجموعة

Blue bee دام إنك مقتنعة بالكلية فعليك بإرضاء ضميرك واتباع ميولك .. وما عليك بكلام الناس ..

إنتي ألحين سنة أولى حاولي تستكشفي الكلية وتسألي عن تخصصاتها وأقسامها و أكيد راح تحصلي اللي يناسبك ..

قصتك عادية وشائع حدوثها بين منتسبين الكلية ..

وأضرب لك مثال على إنه مثلل هالحالات كثير تصير .. أضرب المثل بـ نفسي .. فأنا صارتلي نفس قصتك لما طلعن نتايج القبول السنة الماضية وطلعت في كلية العلوم الزراعية والبحرية وأنا ميولي كان كله أدخل كلية الطب ..

وتضايقت كثير لما ما دخلت الطب .. وقررت إنه أول فكرة وأول خطوة أسويها في الجامعة إني أحول لكلية ثانية غير هذي ,,

بس جلست أفكر قلت ما يصير أطلع من هالكلية وأنا ما أعرف شيء فيها ,, ورحت أسأل عنها وعن تخصصاتها والحمدلله حصلت تخصص عجبني كثييييييييييييييييييير وألحين أنافس عليه وإن شاء الله أحصله ..

إخترت تخصص التقنية البيطرية .. تخصص حلو وجديد في كليتنا .. وشجعوني شباب الكلية على هالتخصص واجد وشجعوني الدكاترة بالأخص -د.داوود العجمي- .. والحمدلله إقتنعت بهالتخصص ..

والحين أنافس على المقعد .. وما توفيقي إلا بالله ..


خلي عنك كلام الناس , يتكلموا عن كلية العلوم الزراعية والبحرية.. لأنهم مستهزئين من كلمة زراعة .. يعني ما معقولة يحكموا عليها بمجرد الإسم خخخ ..

وفي الختام أذكرك مرة ثانية النحلة الزرقاء .. حكمي عقلك ,, وإتخذي قرارك ,, وإبني مستقبلك

هيه نوبة انا يوم دخلت عااادي اهلي ماقالوا شي بالعكس الوالد شجعني وقال نافسي بقوة عشان تحصلي التميز فالكلية ..
صح بعض الاهل والاقرباء حتى الاصدقاء يشوفون علينا بنظرة غير
يااخي بس احب اعاااند لما يسالوني ويش كليتك ؟ اقول زراعة مااقول خخخ كلية العلوم الزراعية والبحرية
عشاان اغيظهم اكثر

اذكر صار لي موقف خلاني اقتنع اكثر بالكلية ... وكنت مارة بين كليتنا وكلية الطب مبوني اشل وااجد اغراض بو يقول رايحة تحارب ..المهم طاحن اوراقي وكذا .. فلجست اجمعهن فمروا 2 من شباب الطب باين عليهم سماعات وكذا وساعدوني .. وقبل عن يعطوني الاوراق بس وقفوا يقرئوا الورقة وهذيك الورقة كاتبه فيها
كلية العلوم الزراعية والبحرية .. ويش اطمح اني اكون وكذاا..فقال الولد وهو يضحك : ماكنت اعرف انك بيدارة ، عجب لو تدخلي الطب مو اتسوي بعمرش؟! وقام يضحك

رديت عليه : الطالب الجامعي اللي مايقدر قيمة أي كلية تفكيرة سطحي ما يستحق يكون كطــالب مثقف وواعي بالمجتمع ، ربما اكون من المتميزين لكن انت رغم انك فالطب قد تكون الان تحت الملاحظة الاكاديمية ..


وسرت عنه... قصة حياااتي كاني قلت ..بس بغيتش تعرفي انه كل حد يمر بمواقف مشابه نوعا ماا

أنا سنة ثانية متخصص في التقنية البيطرية ..

مشترك في مجموعة الطب البيطري .. وطموحي أكون إنسان فعال في المجموعة.. سررت بالحديث معكم ..

إلى اللقاء .. نتلاقى في السكوول P:

انا سنه 3

ومامشتركه ف مجموعه... كيف اشترك؟