مالك رجا ياقلب فيهم ولا لي
مالك رجى ياقلبي فيهم ولالي
حيله على نسيانهم لو تناسيت
راحوا وأنا عايش وحيد(ن) لحالي
تايه ولا لحظه بعدهم تهنيت

هذا جزا من كان يسهر ليالي
ياما عليهم في دجى الليل ونيت
لجل الوفا أشقيت فكري وبالي
كلـ(ن) نسى الماضي وانا أقول ياليت

راح الزمان الي نعيمه صفالي
مثل السراب الي من أجله تعنيت
صار الشقا والهم فوق احتمالي
عقب اتصافي بالتجافي تجازيت

ماباقي إلا ذكرهم في خيالي
ذكرى تجيني كل مصبحت ومسيت
ياقلب لا تبكي على ضيم حالي
انسى ترا مالك رجا وإن ترجيت