يالي زعلت ازعل ولاني مراضيك.....اشرب كدر ماي البحر كانه ارضاك
لاتحسب اني عقب صدك بداريك...... بعز نفسي عنك مادراك مادراك
اربع سنين انا متـحمل تغليك ...... راضي بتعذيبك لاجل قلب اغلاك
وخليتني واليوم والله لخلـيك ..... وادوس قلبي لينه يقول خلاك
قبل توريني الحــساير بوريك ..... ليما يقال فلان هانك ووراك
كانك تحداني فانا اقبل تحديك ..... وانسـى الغرام اللي مضى واتحداك
ماني بقايلك عـسى الله يهنيك ..... الله يحرمك كل ماكان هناك
عسى العمى ياخاين العهد يعميك.... فوق الغرور اللي عن الماضي اعماك
وعساك ماتسمع قريب يناديك ...حيثك تجاهل صوت محروم ناداك
وعسى الشلل يعوق رجل تمشيك... لينك تندم ليش غيرت ممـشاك
وعسى حياتك بس فرحه لشانيك...يلقى بها فرصـه عدوك ويشناك
وعسى الليالي اللي تجيني بطاريك ... يصبح عليها الصبح وتموت طرياك
وعسى المنام وكل راحه تجافيك ... آمين حتى اللي تمناه يجفاك
ولامت جعلك في جهنم تصاليك .... نار الجحيم ونار دنياك تصلاك
الله يكره فيك حتى دوانيك ... غشاش خاين من من الناس داناك
هذي النهايه روح الله يجازيك ... امسك ويومك عنهم الغدر لغاك