احبّــك يابحر لكن!! اخاف وما اطيق العوم
تكفّيني سواليفـك على الشاطي وتغنـيـنـي

كذا يرضيك ياقلبي اطيح وما قدرت آآقــوم
وانا ماني بحيّ الله بشـر يومك تبكّــينـي

بكى حتّى القلم من رحمته مافارق الابـهوم
نزف حبره على صدر الورق علّه يسلّـيني

سمعت علوم ياقلبي ومنّك ما سمـعت علوم
مغيـر دموعك الي سقتها وتهلّها عيـنـي

شكيت!! ما شكيت!! الا عليه الواحد القيّوم
وغير الله ضعيف ولو عطاني ما بيشفيني

الاهي طالبك تغفر لعبداً ماهو بمعصـوم
الاهي طهّر القلب الضعيف ولاتخلّـينـي

فهــد الشهرانـــي