" خلاص اليوم قررت انسحب من دنيتك و اسلاك
ابرحل ملتفت لو صاح بي صوتك يناديني
ابرحل للبعيد اللي ينسيّني اسى ذكراك
وابترك كل شيٍ منك لا شفته يبكيني
وبخفي عنك وين ارحل ولا تسأل علّي انهاك
اذا قادك فضولك يوم ،، انسى انك تلاقيني
بعوّض ما بقالي من سنينٍ عشتها وياك
كفى ما ضاع من شانك من أغلى و أجمل سنيني
ابركب مركبي و ابحر و ادورلي بدل مرفاك
شواطيك الكئيبة حطمت كل الامل فيني
بكّن الهم في صدري و اسافر للبعيد هناك
عسى الايام والغربة من جروحك تداويني
صحيح فغربتي بتعب ولكن في سبيل انساك
بعزم بالصبر نفسي ولو محدٍ يعزيني
نعم مليت نكران الجميل و طبعك و مبداك
وقلت البعد عنك ارحم مدامك ترفض تجيني

"