كثرت في غيابك لكن هني وصحوح
يالي مغرجني ولا فيك مينااا
أرد بعيوني ع السيف وانوح
موج الجفا يحرق ولا عاد رينا
صح أنك ألي تارسن قلبي جروح
وصح أنك ألي في هواه أبتلينا
لكني أحبك محبه من الروح
حب العرب في مصر لتراب سينا
قلبي من همومه وطاريك مذبوح
وأنا وعيني من فراجك بكينا
لاصار حبك جرهدي قيض وسيوح
مابه رواه فذمتي لاضمينا
أصد بدموعي من الناس لاأبوح
بس الدموع تبوح لو ماحكينا
ياقلبك البارد تراى قلبي يفوح
ولو أن قلبك فاح ما رخصت فينا
وش حدك لهجرن على غير مصروح
ماهاذا جزانا عقب ما أحنا وفينا
أرمي الغياب..بوجه الأمال مكثوح
والبعد يذبح..شوقنا مادرينا
ترى الهوى أخذ وعطا يامنى الروح
لا أخطيت ثم جيت أعتذر قول مسموح.
حنا بشر لولا العذر ماخطينا
ماهوه بتزعل كل ماضقت وتروح
وتهدم لحظات الغضب مابنينا
كانه دلع ياعزتي لي من الصوح
وكانه غلا فديتنا كل أبينا
نذر علي ماعاد في خاطري بوح
إلا عسى ربي عليك أيهدينا
باب العواذل لاتخليه مفتوح
ودرب المفارق لاتحده علينا
إجرح خفوجي لين ماتشبع جروح
أنا وقلبي في عذابك رضينا..أنا وقلبي في عذابك رضينا.