لو يعرف الشخص منا ويش مع الغيبه بيجيله


كان جنبنا المشاكل من قبل يوقع ضررها


ماهجيت الليله ألي جابت الفرقى طويله


لين صارت ليلة أمس بعيني أطول م شهرها


والعذاب ألي يذوب بعين من يفقد خليله


عندي أكبر من عذاب العين لو تفقد نظرها


والحبيب ألي صدوده مثل مدادته جزيله


صد عني وأعرفه لاصد عن حاجه هجرها


كن روحي يوم حست في جفاه وصعب نيله


بشرتني بضياع وشدة العزم لسفرها


مارحمها م هلاك وماتقبلها دخيله


تحتضر جدام عينه لين ماتت من قهرها


عاد ليت ألي ذبحها وأرهب الموت بوسيله


مادفن وجه الضحيه والسكاكين بنحرها


ليت قلبه يوم طاوع فعلته كمل جميله


لو غسلها من عروقه وبكفن صدره قبرها


من حفر في ضلوع قلبه حفرتا تكفي قتيله


ليش مايدفن قتيله بضلوع ألي حفرها