لو فرشت الأرض لي ورد وحرير
لو تعادلني ومعاديلي ذهب
أرتجع أهواك هذا ما يصير
في صفحة النسيان إسمك انكتب
لاتظن أني من الفرحه بطير
أو أنا بفتح لك صدر الرحب
أو بشتكيلك يوم عن جرحي خطير
لا وحق الله هذا شي صعب
اسأل عن تاريخ مجدي من أصير
أنا مجدي فوق في عالي السحب
ما رضيت بالذل لو مهما يصير
غير لربي ما خضعت كيف للمحب
راجع حساباتك إذا انته خبير
ليش تبكي بندم وانته السبب
اسقيتني علقم وأنا في ظني عبير
خليتني أرقص على وتر الطرب
انته تخدعني ولك صافي الضمير
ما هجيت انه مطلوبك كسب
روح الله وياك ويعلك بخير
وأنا قلبي جوهره غيرك كسب
جاسم الركاض
