خبريني

خبريني ليش حطمتي حياتي خبريني
ليش بعد الود تنويلي هجر

ليش دمع الحزن تجريه ي عيني
ليش قلبي ينكوي بنار وجمر

بعد كل الي مضى بينك وبيني
بعد ما عليت قدرك للقمر

بعد ما صرتي معي مالك ثميني
بعد ما اكتبت لك أحلى عبر

ما هجيت انتي إلي تعذبيني
ما هجيت انتي تنويلي غدر

بعد ما سلمت لك رافع يديني
بعد ما قلت لك ،،،، أمرك أمر

بعد ما أهديت لك أغلى ثميني
قلبي يلي في هواك إنتي أنجبر

إنتهى كل شي لي وبينك وبيني
ما حسبتي حساب كيف دهرك يمر

بدمعك الغدار جيتي تفرحيني
تظني أني فيك بعيد النظر

بايش انتي عن عذابي تعوضيني
تظني الحاجز لي بينا انكسر

لو تبكي الليل ولك صبحي يبيني
ما يساوي شي معي اسمه غدر

احجزت جبال ما بينك وبيني
انزاح عني الليل وانزاح الكدر

جاسم الركاض