كم صوبك على الأقدام تعنيت
وكثر المشي جفف بالحلق ريقة
مثل جمالك يازين ٠٠ ما ريت
ما أجامل بالوصف هذي حقيقة
يا حب بالقلب حبك أنا خليت
وصار قلبي لقلبك ٠٠هو رفيقة
ومع تقلب مزاجك ، بالهجر نويت
وخليتني أحسب الوقت بالدقيقة
أبكي قصيدة وأشبك البيت بالبيت
وأشكي قوافي الليل من كل ضيقه
وأغرق داخل أفكاري وأقول يا ريت
تعود وترد لقلبي ٠٠ حبه وصديقة
أدخل بحور الشعر لا من تجليت
وأغوص في وسط البحور العميقة
إيش اللي صار رحلت وجافيت
وخليت قلبي يبكي نصفه وشقيقة
في حبكم لاني بحي ولا ميت
كني كسير الطير ماله طريقه
أرجع والسموحة إن كنت زليت
أرجع ليرجع القلب بصافي بريقة
الشاعر : خليفة البلوشي
