عافك الخاطر وعافك ناظر العين
ذاك أول أنتي نبض قلبي والحياه
وذاك أول وسط الحنايا تسكنين
يوم أنا قلبي غير قلبك ما هواه
من قبل ما قناع الخيانه تلبسين
وقبل درب الغدر تدوسي ثراه
كنتي أنتي الحب ٠٠ الحب الدفين
كنتي شفاء قلبي إذا يشكي عناه
هدمتي آمالي وأحلام السنين
عاذلي سيطر على قلبك وغراه
جايه ذا اليوم وظنك تحلمين
تمدي يدينك طالبه قلبي رضاه
أعذريني صعب ذاك الحب ترجعين
أعذريني ٠٠ قلبي ماضيك ونساه
أخر قراري وعن طريقي تبعدين
درب وصلي غيري عنه الاتجاه
عافك الخاطر و عافك ناظر العين
ذاك أول أنتي نبض قلبي والحياه
جاسم الركاض أبو خالد
