تويت
تفنن في طروق الحب شرقني وغربني
معك يازين دوخات الهوى ويا حلو مشواره
وغرد في سما سمعي ابي تحكي وتطربني
سواليفك مطر عمري، ربيعه وضحكة انهاري
حبيبي يا بعد كلي وكلك صدق تعجبني
بغيباتك وصداتك وتلويعك وتكراره
تجنن كل ما اشوفك احس انك تعذبني
وتضيعني من الدنيا و تشب بخافقي ناره
جمالك ناهب قلبي وتفكيري وناهبني
ودلالك يا رقيق العود عود تعزف اوتاره
كتبتك نبض في شعري دخيل الله تكتبني
حبيب في مواعيد الغرام ارضاه بزياره
تولعت بتصانيفك وتعذيبك يولعني
وعلى اية حال راضي بك شمس العمر وانواره