تركتني يا صاحبي من بعد صمت
ويا شين صمت القلب لا صرت غايب
ابعدت عني ومن بعادك تعلمت
اني وحيد وانت كل الحبايب

اسرفت في صدي وتدري تندمت
واعرفت من فرقاك معنى الصعايب
ودي تسامحني اذا انت امنت
ان العفو يعطى لمن كان تايب

ازعلك والله والله حرمت
وشلون ازعل قلب انا فيه ذايب
حاولت انا انساك والحين ما رمت
ولقيت شوقي ينهمر لك سحايب

تعال ياالغالي تراني تألمت
من صدتك للهم انا ادفع ضرايب
لكنك ليتك قبل صدك تكلمت
اقفيت في صمتك وشفت العجايب