تويت
تبى البعــد أبــد حاضـر قسـم بالله ما اردك
ولكن لا تجي يوم بقولة تكفى لك أنا حنيت
أشوف إنك توهقت بشي كبيـر مو قــــدك
ما ظني تنفعك بكره حسافه وليتني ياليت
على بالك ابترجى وكل الخوف من صــــدك
ترى قبلـك كثير اللي ترجوني ولا ترجيــت
إذا عشقـك يوطيني لا أبوجده لا أبوجـدك
وإذا مليــت مـن قربي فأنـا منك بعد مليت
أخـاف انها تصانيـف وشياطين تـب تحــدك
وأخاف إني اوري لك شياطيني لو أنحديت
وأنا والله مــا ودي ولكـن كنــــه بـــــودك
تشوف ردة افعالي ليا صديت وصديــــــــت
ابرسل لك سحر طيفي يجرك من ورى سـدك
يجيبــك لآخـر دروبي وانا ما قمـت وتعنيــت
يخيل لك صدى صوتي وهمس الشوق بيهدك
تناديني .. تناديني ..تناديني ولا رديـــــــت
تحـس بدفـا صدري كأنـه مصـدر يمــــــدك
دفا هالكون رغم اني بعيد وتوني ماجيـت
ولامن غمضــــت عينـك تحس يـدي بيـــدك
ولامن فتحت عينك تشوفـني بزوايا البيت
أبنزل مع دموع الهم واهدي في طرف خدك
لأجـل ما أنحـت الفرقـا واوثقهـا هنـا مريـت
لأني ساكـن بدمـك وقلبـك واقـف ضـــدك
دمارك بعدي لو لحظه فما بالك إذا اقفـيت
مدام انك سمعت اللي أقوله وأبتدأ يشدك
خذ مني هديه لك حلالك واحفظ هالبيـــــت
تبى البعــد أبـد حاضر قسـم بالله ما أردك
ولكن لاتجي يوم بقولة تكفى لك انا حنيـت