اعذروني يا أهل الشعر والخاطرة بضرب بقوانينكم عرض الحائط... لا تسألوني وين الوزن ووين القافية... اليوم مافي وزن ولا شعر ولا قصة... اليوم فيه كلام بس طالع من الخاطر... كلام أريد الكل يسمعه... ما أريد أحد يقول لي ينقل ولا يغلق... من حقي أقول اللي عندي وقت ما أريده وفي المكان اللي أريده... فيني غم وقهر... فيني صرخة محبوسة تنتظر فرصة تنطلق عشان ماتتوقف...أريدكم تفهموا يا ناس ياعالم أنه غيركم فيه إحساس... إذا أنت من حجر وهمك تجرح الناس وتلعب عليهم فأنا إنسان من قلب ومشاعر مامثلك صنم بلا عواطف... أريد أعرف إنت ياصديقة ياعزيزة شو تستفيدي لما تكشفي أسراري... وأنت ياولد يا عاق شو تستفيد لما تجرح أمك بالكلام... وأنت يازوج يامحترم شو تستفيد لما تتعرف على غير زوجتك... أنتم خلقتم للعبادة ما عشان تملونا جروح وآهات... ياخي تعبنا منكم وتعبنا من مشاكلكم... تعبت عايشه حواليكم... خلوني ف حالي خلوني... أنتو شو دخلكم إذا أنا انطوائية,,, شو دخلكم إذا أنا منعزلة... شو دخلكم إذا أنا حزينة... ماحد له دخل فيني... حزينة منعزلة وحيده حاقدة مجرمة مغرورة بطرانه أنتو مالكم دخل... أنتو في حالكم وأنا في حالي... ما أريد أحد يقرب مني... ياخي استغرب شخص غريب لا تعرفه ولا يعرفك ليش تروح تقرب نفسك وترز وجهك وبعد فترة تكشف حقيقتك... أنت غريب خلك غريب ماحد طلب منك تدخل نفسك... كل واحد وهمه.... أنا أريد أفهم شو اللي تستفيدوه لما تجرحوا بعضكم... أريد أفهم ليش ناس تلعب بعواطف غيرها وتتسلى كأنه ماعندهم حاجة تردعهم... لو عدوك فهمت ليش تخونه وتهينه... لكن صديقك اللي وثق فيك اللي أعطالك عمره تعق كل هذا في البحر وتمشي ولا كأنك سويت شي...

أكيد كثير منكم راح فكره لبعيد... بس خلوني أحاول أوصل الفكرة... المشكلة ما فيه فكرة... فيه مشاعر إحتارت... وفيه أفكار تاهت... وفيه علامات استفهام تنتظر أحد يجاوب عليها... بس همي أعرف ليش حتى نتسلى ف بعض ليييييييييييييييييييش نجرح بعض... لهذي الدرجة نحن أشرار... ليش تخلونا نثق فيكم إذا ماكنتوا أهل للثقة... ليش تخلونا نعاني... أنت يا خاين وأنت خاينه حطوا نفسكم مكاني... شو بيكون شعوركم كيف بتتحملوا شعور الصدمة اللي يخليك مثل الغبي فاتح عينه على آخرها ولا عارف وين الله حاطه... شعور بالصدمة يخلي الجسد بلا روح... ويخلي الإنسان بلا عقل... معقوله ممكن أعز الناس يسوا كذا هذا... بعد ما وثقت فيهم.... انزين شو الفايدة... معقولة يجيهم شعور باللذة لما يشوفوا إنسان منهار بسببهم


صدقوني ما أكتب هالكلام لحادثة صارت لي... لأني ياما سمعت وسمعت عن قصص تشيب الراس وتحط العقل بالكف... وتخلي الواحد في النهاية يتسائل ليييييييييييييييييييييييييش... ما أظن أنه أحد فيكم مامر ف موقف إنهان فيه أو أحد قريب أو غريب جرحه... أو أحد خائنة... ماتتسائلوا ف نفسكم لييييييييييييييييييش؟؟؟؟


وفي النهاية أقول حسبي الله ونعم الوكيل....