خذيني ف ضلعك الملتاع
نفس عاصي لسجود أبياتي
وضميني
لين ينفت العضد
وتخنق انفاسك رحم أنفاسي
وزيدي ثورة الأعصار
لاتحاتيني
أنا على يدك تعلمت
كيف أسقي رحيق الشفايا
وكيف أخلق من المحبة
سحر وابهار..
لهيب العشق مثل السم
يسري فيني يتغلغل
يعاكس ف الهوى تيار
تعالي.. اشربيني
عيونك في عيوني ابدفنها
واترك غزل الشفايا
يكتب في شفاتي حروف واشعار
واحضينيني
لا لاتخليني
أنا حبي عشق سادي
أنا صمتي صرخة الثوار
دفيني
بهالحضن واشفيني
ياما فيني من الجروح اكثار
بغيت أجفف من رحيقك
بحار العشق
لين ماتبقى قطرة رحيق
ولا تبقى ويا الغرام بحار
ناري أه يا ناري
لو تضمك ناري حبيبتي
تحرق كل أنفاسك
مثل العطر اذا تمكن
في حنايا الجسد
ثار وجار
احتويني
بكل شبر فيك
أنا ميت, انا ولهان
أنا أول عاشق ف حضنك
وأنا أكبر عاصي
عصيت الشوق وصرت ف عيونك
أطهر الأخيار
خذيني حب, خذيني مدينة الاعمار
وتعالي بذوقك الراقي
واسكني جسد ذاب في ثناياك
مثل الرضيع اذا شاف ثدي امه
وين يبدأ, يمينه او يسار
اعشقيني حيل, طلبتك لاترديني
وانحتي حكاية غرامك
في هالعظم امانة تراه احتار
وكل ما سمعت وناتك
بالشوق والعشق تغني
تطرب اذاني
يفز من الخفوق ألف شيطان
وترقص معاها ألحان وأوتار
زيدي العض, ياحظي
زود العض ف شفاتي راحة
يجنني, يحطم قلعة الاسوار
يشهيني في غرامك
يسكن مع سكونك
واذا سمع ونة وله
فز من فوره ثم ن طار
لاترجيني, أغامر في سكوتي
أنا حين أعشق
أعشق بفوضى مثل الصغار
اربش في حنايا حبيبتي
ألعب في مفاتن جمالها
اسيسها بأحضاني
أعانق كل خد ولون
أبد ماتردد ولا أحتار
تعذبيني,
مادريتي انه عذابك جنتي
وانا في غرامي النار !


مجنون العفــــــــية