جاني اتصال
وانا مضايج
والمود تعبان
بمنتهى الرقة
عبر الأثير
سره الجاذبية


الصوت
شبيه الملاك
وظنتي
صوت انسان
دافي ورقيق
كنه ريشة حمام
تسري في نهر ن
بانسيابية


لعنبو هالصوت
بروحه معادلة حنونة
ماقدرحتى اينشتاين
يقيسها او
يفسرها
فاقت نظريته
النسبية


حلفت والله
ومن ثم والله
هذا ابد مو حنان
هذا
جملة مشاعر
في صوت واحد
ماله في حنانه
حدو د
أو مركزية


أثير صوته يدوخ
يزغلل, يغازل
يعذب, يريح
يروي
بحري الضميان
دخت انا فيه
وتحركت في داخلي
حنية


يلملم أنفاسه
يزجي من حروفه
باقة دفا
و ألحان
تتلاعب في أوتاره
من اللهفة
مشاعر
ازدواجية


لا احتمال وياه
ماتعرف تميز
حلا النغمة
وكانك تبي برهان
اسمعه وبتعرف
ان نغمة أصواته
تفوق
الاحتمالية


يوم ن سمعته
توقف الزمن
تغير كل شيء
في المكان
ماعرفت
ياترى الدنيا
مبيضة بورد ن
ولا هي
من الفرحة
سماوية


دخيلكم من اخترع
نظرية الصدى !!!!
دلوني عليه
هذا عظيم الشان
لأني
من سمعت صوته حبيبي
صار الصدى
يسكن
في حشايا
الداخلية