إعـــــــلان

تقليص
لا يوجد إعلان حتى الآن.

نويت أسلم لك عيوني ...

تقليص
X
تقليص
 
  • الصفحة لـ 1
  • تصفية - فلترة
  • الوقت
  • عرض
إلغاء تحديد الكل
مشاركات جديدة
السابق template التالي
  • #1

    نويت أسلم لك عيوني ...

    السلام عليكم ورحمة الله وبركاتة ...



    اقول بكره ينتهي الهم وألقاك
    ويطلع علي الصبح أقول باكر
    ضايع بدونك بين شوقي وذكراك
    أنا اعترف بالضعف مقدر اكابر
    الصمت بيت ودمعتي ألف شباك
    والهم باب وغيبتك ألف زاير

    .....


    عني تغيب ايام تظهر لــها أيام
    مدري ولع او قصدها زود تشويق
    ان كان تشويق تراني من العام
    ميت وحبك حي بين المــعاليــــق
    وكانه دلع ياحسرتي منه لي دام
    وشلون اقاوم سطوته ساعة الضيق

    .....

    من امس وقلبي خفقته ماهي بخير
    من يوم غابت عن سمايا بروقــك
    يومين وهمومي بقلبي طوابيــــر
    وانت الوله ما يبلل عروقــــــك
    كانه بخـــــــــــــل.... . ؟؟
    حول علي الفواتير... !!
    وكانه ثقــــــــــل....... ؟؟
    الله يلين خفوقك..... !!!

    .....

    نويت أسلــم لك عيونــي قبل لا امشــي
    ما ودي اشــوف غيرك لا ارتفــع رمشــي
    ياللي عيونك تلوح بالفرح كوني
    قلبي اعرفه بدونك يشعل جنوووني

    .....

    تدري بعد ماغبت وش كنت أسوي..
    كنت وخيالك مثل جفـن ٍ علـى عيـن
    كنت أنتظر والوقـت .. كنـه عـدوي
    لاطااااال .. زاد الشوق فيني بضعفيـن..
    حتى قبل ملفاك .. هالحين .. توي
    سافرت أفكربك / ولاأدري على وييييين..!!

    .....

    يانور عيـــني فــــرقتنا المــــقادير
    والكل منا مبعدن عن خــــــــليله
    حكم القدر ياصاحبي لازم يصــــير
    وليا حكم محدن يحاول يزيـــــله
    مدري من ايام الدهر حصل تقصير
    ولا صدوف الوقت صارت بخيله

    .....


    يكلمني عن جروحه وأنا من سبته مجروح
    يسولف لي عن أحبابه واسولف عنه لحاله

    أحس في دمعة عيونه..وتطلع من بكاه الروح
    وإذا يفرح مع غيري بكى قلبي وهنا له

    .....

    يفداك عمري بس تضــحــــــك لياليك ..
    ولا أشوف في عينك للأحزان دمعـــه .
    غــلاك عندي ما يجي فيه تشكيــــــــك ..
    لو بجمعه ,, يصعب على الروح جمعه .
    متعلي قدرك ,, ولا أحد يوازييـــــــــك ..
    ولا هــــــــــمني غيرك ولو سال دمعه .

    .....

    ابعد عن عيوني..
    ترى جرحك مأذيني
    واتركني من ظلمك..
    وارجع وجافيني
    لأنه بقربك الدنيا..
    أسود من سواد عيني
    تعلمني أكون قاسي..
    وأسلم أمري بايديني
    وأحط الحرة بالغدار..
    غدر بشعوري وفيني


    .....

    ويـنــك..؟؟

    يامن رسـت لـك كـل المحـبه رضايـــف،.
    وأرخـيـت لـك حرفـن مـن الغـلا مذبــوح،.
    ترى الغلا مب شرط تنطـقه الـشفايــف،.
    بس شرط تشعر به لو المسافه سفوح،.

    .....

    انت الوفـــا يوم الوفــا من سجايـاك
    وانت الغـلا يوم الغـلا فيــك مجنون
    وانت العزيز اللي على العـز مربـاك
    وانت القصيـد اللي على القاف موزون
    يحــلا الكـلام ليا طلـع من شفايــاك
    و يصيــر له.. روح و يديـن و عيـون

    .....

    أنت عمري وابتسامات العــــــــذاب
    وأنت من غيرك ترى ماني امحسوب
    مثل الصفر خالف أرقام الحســــــاب
    في شماله تاه يبحث عن جنـــــــــوب
    مابقالي قلب يدرك للصـــــــــــــواب
    تعصف بفكري متاهات الــــــــدروب
    وارجع لنفسي وأحملها عتـــــــــــاب
    وأهرب بهمي ولاينفع هـــــــــــروب

    .....

    سامحني لو ابتعدنا كثيــــــر ..
    بس قلبـــي لو طلبته ما ابتعد .
    رافض بعدك ولو جرحه أثير ..
    ينتظر رجعه حبيبه والسعــــد .
    ما طلبتك تترك عيوني تحيــر ..
    في مدامعها عيونك للأبــــــــد .
    صدقني قدرك الغالي كبيـــــر ..
    وسط قلبي ما يساوي له أحـــد .

    .....

    ابي أكتب قصيدة حب أبي تفهم معانيـــها
    اريدك بين هالعــــالم تفاخر يوم تقــــراها
    أبيك لحروفها تطرب أبي غيرك يغنيــــها
    أبي لامن سألك أنسان من اللي فيك سواها؟
    تقول: اللي سكن قلبي وروحه بي معنيــها

    .....

    يا مخاوي الشوق نارالشوق بزياده
    وكثرة همومي ولادري وش تواليها
    اكتم بقلبي عذاب الوقـت وعنـاده
    والونه اللي عن الحسـاد مخفيهـا
    واخشي من الوقت والدنيا لهاعاده
    لا تامن المر لو زاد الحلـى فيهـا

    .....

    قـالوا:يحـب ك قلت: لا تظلمونه
    قـالوا : يبيـك قلـت : يا ناس تكفــون
    أنـا عـرفته قبل مـا تعـرفـونه
    مــا قــال احبك انتوا اللي تقولون
    أنـا دخيـل الله لاتجـبرونـه
    الحــب من رب السمــا خــالق الكــون

    .....

    ما عاد لي قلب ضلوعه تضمه
    وش كثر راح من الشقا وش بقى كم
    اللي رضع من عمر الايام همه
    يموت قلبه ما تعافى من الهم
    يا ليت لي جرح وينشاف همه
    زود البلا منجرح ما شيف له هم

    .....

    لو ينشكي حبي على الغاط وسدير..
    يبست مراعيها ولحدن رعاها..!!
    لو ينشكي حبي على جمة البير..
    خذت ثمان سنين ماشيف ماها..!!
    لوينشكي حبي على أم العصافير..
    طارت وقضت عمرها في سماها..!!
    ولو ينشكي حبي على هل المغاتير..
    كلن يفك عقاله امايباها......!!

    .....

    أسالك بالله جاوب
    سؤالـــــــــــي .؟
    وأسألك بالله اصدق
    بالجـــــواب ..
    في غيابي مر في بالك
    خيـــالي؟..
    ولا ما يفرق حضوري
    والغياب؟!!
    قول ما عندك بصدق
    ولا تبــــالي..
    خلني ارتاح من هذا
    العـــذاب.
    ودي تكون إجابتك كم
    مشتاق..
    واحذر تغش لاجيت
    تكتب الجواب!!

    .....

    غالي ولك باب الغلا دوم مفتوح..

    وأنا في بحر ودك على الدوم سباح.

    البعد عنك يسبب لقلبي جروح..

    وقربك يسر القلب ويصير مرتاح.

    غلاك ما يحتاج تفسير وشروح..

    مثل القمر دايم على الكون وضاح .

    .....

    ان غبت ليله تهـل العــين لـك عــبـره،.
    و القلب توقــف علــى فرقــاك دقاتــه،.
    والعقل يتلف و حالـي ينتهــي صبــره،.
    والصدر فـي غيبــتك يا كـثر ضيــقاتــه،.
    شفت الوطن يالطيف الروح وش كبـره،.
    تضيق فيني بعــد هــجرك مسـاحاتـه،.

    .....

    معاك عرفت الحزن ومن سمك ارتويـت
    وخليتني امشـي فـي طريق الهـلاك
    ووعـد منـي مـا انـساك ابـد مـا حيـيـت
    وما انسى كم ذقت المر لاجل اكسب رضاك
    لـكـن حـساااافـه مـن حـياتـي انتهيـت
    وصرت لي ذكرى تفـضل خـذهـا معاك

    .....

    كلما جيت اتغلى عليك ..

    يعاتبني الوفا فيني .

    وكلما جيت أجافيك ..

    يبدا قلبي يجافيني .

    ترا سؤالي عن أحوالك..

    نابع من زود الوفا فيني .

    يعني رديت ولا ما رديت ..

    وصول المسج للعزيز يكفيني .

    .....

    يشهـــد علي الله ماطيق فرقاك
    وما انساك انا لوقيل قلبك نساني
    ماتسوى الدنيا بعيني بلياك
    والله ولا تسوى شبر من مكانـــي
    هذا الغلا الي رسمته بيمناك
    وهذا الكلام اللي نطق به لسانــي



    . . .دمتمـ بـــــــود. . .
    الكلمات الدلالية (Tags): لا يوجد
  • #2
    روعـة

    يسلم هالذوووق

    تعليق

    • #3
      مروركِـ الأروع أختي غرنوقة ...

      تعليق

      • #4
        من امس وقلبي خفقته ماهي بخير
        من يوم غابت عن سمايا بروقــك
        يومين وهمومي بقلبي طوابيــــر
        وانت الوله ما يبلل عروقــــــك
        كانه بخـــــــــــــل.... . ؟؟
        حول علي الفواتير... !!
        وكانه ثقــــــــــل....... ؟؟
        الله يلين خفوقك..... !!!

        تعليق

        السابق template التالي
        يعمل...
        X