ألف حمد لله على السلامة .....


وتفداه السيارة .....

تستاهل السلامة الحوسني
أكيد السالفة سالفة تزويد والا مستحيل تحترق كامل

لو مضبطنها فكراج نحّول وإلا العبقري احسن لك

إن شاء الله يكون المتسبب أصحاب الكراج عشان تضمن قيمة السيارة

(حاشر بعمري أخاف السالفة ماسالفة تزويد ولا شي)

حمدالله على السلامه..
وزين جات على السيارة وبس..


اكيد محسود..

عرفت السالفة الصح ..

لا حادث ولا تزويد ولا غيره .. بصراحة السالفة تضحك

أعتقد بروحه بقولكم إياها ما يخلصني أحكي, واذا ماخاب ظني, عنده صور حق السيارة وهي محترقة

الله يعوضكم إياها

الحمد لله على سلامتك بوس..

كيه موه شئ إضابات؟؟ إن شاء الله ماشئ..

أهم شئ التواير ما أحترقن عشان الرده بطح نفسك فوقهن وتعال خخخخخخخخ

إن شاء الله ترجع سالم ومحمود وخالد والشباب كلهم..

الحمد لله على سلامتكم

(وعسى ان تكرهوا شيئا وهو خير لكم)

الحمدلله على سلامتك مديرنا الغالي...

الحمد لله على السلامة اخوي

سلامات وما تشوف شر ان شاء الله
وحمدالله على السلامة ....

الحمد لله على سلامتك الحوسنى

حمداً لله على سلامتكم.

الحمد لله على سلامتك عمي ما تشوف شر

سلامات !!!
الحوسني .... بس زين اول ماجاني الخبر تطمنت عليه والحمدلله على السلامه !!
اهم شي ماحد احترق !

شعرت بالسعادة وأنا أقرأ ردود الاخوة على الأخ عمان سول الذي بادر بنقل خبر الحادث إلى الاخوة وطمأنتهم ..

أشعرني ذلك بقرب عائلتي الصغيرة في عاشق عمان مني ومدى اكتراثهم لبعضهم البعض
أنا بخير يا اخوتي والحمدلله نجونا من الحادث ولولا عنايته ما كنت بينكم اليوم

أحببت أن أطمئنكم أني بخير وكذلك ابن خالي الذي كان معي بالسيارة وخسارة السيارة لا تعدل خسارة الأرواح

أشكركم أعزائي وأبعد الله عنا وعنكم كل سوء ومكروه وعمنا بالأفراح

والموضوع صار انا كنا مخليين سيارة باحد ورش تصليح السيارات بالشارقة لتبديل المحرك وروحنا نجيبها يوم الثلاثاء .. المفروض تخلص بالأحد حسب الاتفاق بس تاخروا وروحنا لهم يوم الثلاثاء ... وقبل لا نطلع من الجراج نجرب السيارة شفنا دخان يطلع من تحت المكينة وخبرنا صاحب الجراج وقال هذا عادي عامل لها سيلكون والحين يذوب وراح تختفي الدخان .. وطلعنا نجرب السيارة وقبل اشارات المرور في المنطقة الصناعة الرابعة بالشارقة لاحظنا ان البريك ما يمسك زين ومو طبيعي ابدا .. قلنا نجرب نبند السيارة ونشغلها ... بس ما رضت تشتغل السيارة وشفنا دخان تتصاعد من البونيت ... نزلنا بسرعة لان الدخان تزيد بسرعة وبكثافة .. لما نزلنا نشوف نار تحت السيارة ترتفع لاعلى وتزيد بسرعة .. حاولنا نطفي النار بكل الطرق وبدون فائدة وما قصروا اصحاب المحلات اللي هناك والناس المارة ساعدونا في اطفاء الحريق بعلب اطفاء الحريق ولكن بدون فائدة وعمت الفوضى المكان ... اللي يقفز سيارة من الرصيف واللي يعبر الاشارة وهي حمراء ... لان النار كانت عالية ولهبها حار جدا ... وصلت الشرطة وحاولوا ا
اطفاء الحريق وبدون فائدة الا ان جاءت سيارة الاطفاء قبل ان تصل النار الى خزان الوقود الذي كان ممتليء والله ستر ولو كان بيصير انفجار قوي ...

والحين رافعيين قضية على صاحب الجراج وننتظر تقرير الخبير الفني وان شاء الله خير .. !

واحب اشكر كل من تعاون معنا وحاول المساعدة وخاصة شباب الامارات اللي ما قصروا صراحة حتى انهم تكفلوا بمتابعة القضية ومراجعة مركز الشرطة والنيابة وعلى اتصال معهم ..

هذه بعض الصورة التي التقطتها على عجالة ... وتوجد مقاطع فيديو بس بحاول اغير الصيغة حتى تشتغل مع الجميع .. لانها حاليا بصيغة mp4