نخش دغرى فى الحكايه حكاية مسعود وشلابية ... أتكلم عليهم تصبروا شويه وألا نفتح الحكاية ونشوف القضيه

ندخل الحكايه احسن وأفضل ونسيب الحدث يعرض نفسوا بنفسوا ويفصل ونعرف اللى حصل واللى بيحصل


ما تعرضش حبك عليا

دا انا قلبى من حديد

وما تفدشى معايا

دموعك ولا الندم الشديد

خلاص بعتك بإرخص سوم

وشريت لعيونى نوم

دا ياما كنت مظلوم

فى هواك اعيش وحيد

اصحى أنا صحيت من هوانى

النهارده أنا شكل ثانى

رايح فى سكه موديانى

بعيد عنك هارب من التنهيد

هو الحب يا بت بالقوه

طب إزاى يدخل قلبى جوه

وانا اللى قفلتو وحبستوا هو

وادورلوا عن حب جديد

حب صادق وصاحبومش كذاب

ومافهشى خداع ولا عذاب

ولا غيره ولا لوم وعتاب

حب حقيقى حلاوتو تزيد

هو ما فيش فى الكون الا انتى

روحى ابعدى عنى سبينى يا انتى

ما تلزمنيش ولا مطرحك عاطفتى

دا حبك بايز خايخ ما يفيد

إنتهى الكلام يا شلابيه

مش أنا اللى ينضحك عليا

بحبتين حب ويرجع الحنية

دا انا واد مجدع وعنيد


الحب على قد القلوب كتب مسعود للبت اللى كان يحبها (( شلابية ))الحتت الشعريه دى عشان يغيظها ويدمر حيتها العاطفيه ... وراح تزوج بنت خالتها وطلعت ما بتخلفش تزوج بنت عمها جابتلوا سبعة بنات قام طلقها عشان هو عاوز ولد وبيكره البنات من يوم ما حب شلابية وساباتو ورجعت تترجاه عشان يحبها ثانى ... دلواتى بيدور عن وحده مطلقه ومعها كم ولد واسمها ما فيشى حرف الشين كمان اصلو تعقد من شلابيه وحرروف إسمها كمان

عجايب وحواديث بتحصل فى الحياة بس إحنا مش واخدين بالنا أوى


ع.ع .. أنا مع مسعود على طول الخط