السلام عليكم ورحمة الله وبركاته

موه حالكم وموة حال صغيرينكم وشيابكم وهوشكم وبوشكم وربعكم وكلكم
انشالله ترتوبيشن وبلايستيشن وسلامتكيشن
ههههههههههههه


اليوم جالسة مع صديقاتي نتذكر ايام فارس وسعاد وعائلتهم
ومن ما يعرفهم هذولا اصدقاء الابتدائية
مال اول وثاني وثالث ابتدائي

خلونا نتذكرهم شويه

طبعا فارس زوج سعاد
وولدهم فادي
وبنتهم ريم

وصديقة سعاد اسمها سلمى وزوجها اسمه منذر

واتذكر وحدة كانت واجد تعجبني ويعجبني اسمها واجد اسمها طفول

اتذكر انها كانت صديقة ريم

وواحد اسمه سالم بس من سالم عاد ما اتذكر مو علاقته فيهم
حد يعرفه عشان يذكرني من هو ؟؟؟


نعم انها كانت ايام روووعه
كنا صغار ما نعرف نفلت كلمة عن كلمة وبعدنا حافظينه الدرس

(الناس يوم يقريوا يشوفوا عالكلام وحنوة غير عنهم نشوف عالصور ونقرا منهن من كثر ما حافظينهن)

اتذكر الدرس مال القرد يوم يقسم قطعه الجبن بين القطط

والثعلب بو دخل الحديقة وهو جوعان وخرج منها وهوجوعان

ويوم مسافر فارس الى الجبل الاخضر وعاد بجوز ولوز ورمان

ويوم هل هلال شهر رمضان فقال فارس لاتأكل يا سالم انت صائم

وريم بو راسمه وردة حمراء وطفول ورده بيضاء

واتذكر درس كان عاجبني عنوانه سلمى مرضت يوم يقول منذر حط الذباب على الطعام فأكلت منه سلمى فمرضت

ودروس حلوة واااجد

يالله ياريت لو تنعاد ذك الايام
ايام فارس وحيانه

عسى بس حد منكم يتذكرهم