يا ندامه مش الاقطاعى سلامه
ناوى يتزوج البت عديله شعبان
وهو عجوز متهالك وفاقد وسامه
بس جماله فى ماله وجيبه مليان
راجل غنى اوى وعالى مقامه
يملك فلالا وشقق ومطاعم وأطيان
وكم ملهى ليلى والفين خدامه
والف شغال ومتين حرس شجعان
دا مكانته اعلى من مكانة اوباما
وشهرته منتشره فى كل مكان
وقوته اقوى من اشاعة الف وجاما
بفلوسه يقدر يحول التراب مرجان
اما البت عديله فقيره وتعبانه ياما
وابوها بواب عماره خرابه وغلبان
وامها شغالة فى شقة الرقاصه حمامه
واخوها جرسون فى بار فى لبنان
واختها ام الخير طريحة مرض والما
والحكايه ان عديله نفسها فى انسان
يحبها هى وتعيش معاه تحقق احلامه
فى اوضه وحده يضمها الفرح والامان
عمرها ما شافت الفلوس للحياه دعامه
بس الظروف هى اللى تغير الانسان
وتخلى البنى ادم يجرى وراء اوهامه
ويقبل بالمفروض ويرضى بالمر والهوان

ترى فى نظركم تتزوج سلامه او ترفضه

عايز وجهة نظركم

وبس

ع.ع