العواف يا بلابل
ممكن البت دى تولد من جديد بعد سيطرت التطور وسائل الاتصالات وغزارة الحيل والتفنن فى بناء العلاقات المتنيله بستين نيله
ممكن تظهر البنت دى وتعيد ما تم إستبعاده بسبب القناوات الفضائيه والعدوى السامه
ممكن .. يمكن يحدث الا ممكن بالممكن



عايز تضحك عليا بكلام غزل
وعاوزنى اقابلك بموعد غرام
انته فاكرنى بنت قليلة الاصل
وسادجه اوى فاقده الاحترام
اها واها انته مصاب بالجهل
والعبط جوه نافوخك لسه خام
دا بعدك انا متربيه والفضل
يرجع لعيلتى ودينى والالتزام
وهنا اللى فى رأسى دا عقل
ويفرق بين الحلال والحرام
ولا قلبى يمشنى بإتجاه الوحل
ولا أتخذر بالامل ولا الاحلام
حب ايه ولقا ايه وايه العسل
فى موعد محرم ووضع إتهام
حط اختك فى موقفى دا قبل
ترضى لها لقا غرام وأوهام
طبعا ما تقبلش يا بتاع النبل
لكن ترضى لبنات الناس تمام
حقولك أيه ربنا يهديك وتتعدل
ويصلحك وتبقى عفيف المقام
ويبعدك عن تصرفات الهبل
يحصنك من كيد ابليس السام

وبس

وآها