العواف يا بلابل

كان غضب شيطانى حل بنافوخ شحاته شيحه شحاح .. صاحب وكالة سفر برى عندما شخط فى وش راضيه عبدالصمد مرفوض اللى حبها من يوم ما ساب المدرسه وإشتغل صبى فراش فى وكالة ( سفرنى للارياف ) البت اللى حباته من أيام الابتدائى هى الاخرى وسابت العلام على شانو وقعدت فى البيت .. وإستمر الحب واللقا لحد ما مات صاحب الوكالة تعين بدالو ومسك الوكاله وزاغت عينو إكمنو بقى ليه مقام والبت نزلت وما بقتش أدى المقام وكل حب وليه مقام وهما سنتين الا عشرة أيام كل المده اللى مسكها فى وكالة السفر واللى سافرت وبازت على أيديه وحجزت عليها الضرائب وإنقفلت وإنباعت فى المزاد وأترمى شحاته فى الشارع لا شغل ولا مشغله .. وتعكر مزاجو وعشش فيه إبليس اللهم احفظنا من أفعال إبليس . وفى يوم شخط فى البت زى ما حكينا وكرامتها أشعلت الهجر والفراق وساباتو وزاداتو مصيبة على مصايبو .. وإستمر الهجر شهور وأيام وساعات وثوانى وأعشار الثوانى لحد ما صح حبو من جديد لما شاف كل زملاتو وشباب حتتو عايشين الحب ألا هو عندو قلب بس مش مستعملو عطلان .. قام ردوا حبو لحبيبتو وبعث لها رساله نقراها مع بعض .. تفضلوا



[align=center]يا حبيبى يا نسينى ورامينى فى الحنين

ليه بس تسبنى ف انينى .. وتفوتنى بأهاتى حزين

تعالى وأرجعلى ثانى ... ونور حياتى وروحى

يكفى عذاب احزانى .... ف بعدك وجعانى جروحى

دا حبك صدقنى امانى .. ومن غيرك ليا مين


فتش عن حبى فى قلبك ... يمكن تسامح وتعود

وأمانة يا حبيبى اعاهدك .. أحبك فوق الحدود

دى لحظة وحده فى بعدك .. تسوى عندى سنين


حاول تنسى الخصام ... ونبدى مشوار جديد

وإجريلى تعالى أوام ... وفرحنى فرحة عيد

دا العمر يا دوبك ايام .. ليه نعديها متفارقين


منى قلبى فى طيبة قلبك .. ترجعنى لفرح زمان

وتسقينى من نبع حبك ... وأسقيك عشقى كمان

واتهنى ديما بقربك ... نفضل على طول حبيبين[/align]




الرسالة لسه ما وصلتش .. بس حد فيكو يخمن البت ترجع والا ما ترجعشى .. وإن رجعت ليه .. ولو ما رجعتشى برضو ليه

فتكو بعافيه يا بلابل ... فينك با بسبس

ع.ع الاصلى