اشارة المرور

@النوع الاول:-

هذا اللي يستغل وقته ويرتب سيارته ويفتح السده السياره ويقطع في الفواتير ويعقها في الشارع وفجأه ماتدري الا وهو ناقز ع السيت اللي ورى ولا تستغرب ( الريال مرتب ) وتنفتح الاشاره والاخ مشغول في التنظيف.


@النوع الثاني:-

هذا اللي توه يكتشف ان ويهه محتاج تنظيف وصنفره ويسحب الكلينكس وعلى خشمه واذا خلص سكر السياره عشان ينظف اذنه بالمفتاح وشوي ويقرض اظافر ايده وماتدري الا وهو رافع ريله يقرض اظافر ريله هذا اذا كان معاه مقراض اظافر واذا ماعنده فالحل موجود طبعا يقرض اظافرة باأسنانه (قمة النظافة)!!!!!!


@النوع الثالث:-

هذا اكثر واحد يستانس اذا وقف عند الاشاره عشان يستعرض ويرقص هو وربعه

ويرقصون السياره معاهم لدرجه تقول بنفسك يابخته مطنش الدنيا .


@النوع الرابع:-

هذا عكس اللي قبله اهوا اللي يشغل أغاني حزييينه
وانواع القلق والحزن والتفكير وطبعا الاغنيه من كثر ماهي حزينه وقديمه ويكون ويهه وارم من الصياح وكثر الاحزان


@النوع الخامس:-

مايسمع اغاني وما تسمع غير صراخه وتلعينه على عياله اللي معاه في السياره وماتدري الا وهو ساحب العقال (اذا كان لابس جينز فيه حزام اقوى من العقال)
ومخرب الشخصيه (يستعمل اساليب التربيه الحديثه) ويعق على عياله علبة الكلينكس اللي بالسياره .


@النوع السادس:-

هذا النوع من الشباب شباب اخر موديل عفانا الله والله لايبلينا هو اللي يستغل الوقت بتمشيط شعره ويرش عطر ويحط غلوس على شفايفه وحاط سماعة البلوتوث في اذنه ومشغل انجليزي مسوي نفسه خطير على الفاضي ومايمشي الا باهرنات ويوله ويالله يالله يدوس على البانزين تعرفون رقيق


@النوع السابع:-

وهو اللي اذا شفته ترحمه وتقول ميت من اليوع وتشك انه قاعد في مطعم مب سياره..
الريال ماسك البرجر بيد والبيبسي والفرنج فرايز بيد والشاورما في حضنه والفطاير يمه والبيتزا على السيت اللي ورى .


@النوع الثامن:-

وهو اللي تحس انه ماعنده وقت ابد ودايم انيق ولابس نظاره وخاتم ومبحلق في الجريده ومسوي زحمة في الشارع.. بس لو ييت للصدق تلاقي البلوثوث شغال من تحت الجريده حركااات ان مب هو الي يطرش
والسموحة منكم


@النوع التاسع والاخير:-

وهو اللي سيارته زحمه مب من الناس .. هو مومخلي ولا كندوره ولا غتره ولا بدله ولا نعال الله يكرمكم الا ماخذنه معاه عشان يكون تبديل الملابس اسرع عند الاشاره (استغلال لوقته الذهبي) حتى اللحاف يايبه وماخذنه معاه تعرفون الريال مشغووول طول يومه


ههههههههههههههههههههههههههههههههههههه