طالب العلمي

سهرنا الليل واحنا نقول دارسين
و قلوبنا من اسئلتها و الله خايفين


حفظنا الذهب و الفضة و اكسيد الخارصين
قلنا هذي بدايتها و الباقي الله يعين


و الفراغات مليناها كلمات كلها تخمين
و رحنا للسؤال الثاني على بالنا فاهمين

معادلات مع الاوراق عز الله ضايعين
وما عرفنا من الرموز الا الماء و الاكسجين

ولا السؤال الثالث يا عيني مبدعين
مسالة ما ينعرف لها راس من رجلين

تبي الصيغة الوزنية وما كنا عارفين
والقوانين الله يستر على القوانين

طلعت ارقام خيالية الله يعلم من وين
و تكسرت الادلة من الطقطقة ما بقى منها الا زرين

والمصيبة شيفتنا تصرخ وتقول يا نايمين
من زود الوناسة تشوفنا قاعدين

سلمنا الاوراق ما بها من الصح الا شيئين
الاسم و رقم الفصل على الباقي مشطبين

يا اهل الله انصفونا وخلصونا من الظالمين
والا ترانا في اخر السنة راسبين

من الشيفة العلمي محنا طالعين
دخلنا الهم برجلينا على النار فالحين

واخرتها سلامتكم يا الربع و السامعين
وان ما شكينا لكم نشكي همنا لمين


طالب الادبي يرد ويقول



من قال لكم تدخلون علمي يا ملاعين
هذي سوات ايديكم يا فالحين

اسهروا ليلكم مع نهاركم يا مساكين
وحنا نبي الراحة مع النايمين

وحفظناالادب و المكتبة و مواد الدين
وانتم خل ينفعكمالذهب و الخارصين

واحنا الفراغات ما نعرف لها تخمين
فورا نجاوب علشان حافظين

قلنا لكم نيوتن و فيثاغورث ميتين
وجعلكم ما تصيرون بانفسكم فالحين

واخرتها الله لا يسلمكم يا السامعين
وانشالله نشوفكم بامر الله من الراسبين

رد عليه طالب العلمي


والله طلع لكم صوت يا ادبي يا فالحين
وان كان التوهان والله انتم التايهين

من يبي الصياعة و قلة الحيا قالوا الادبي داخلين
ودايم عند الادارة متهاوشين

تحطون راسكم براس العلمي يا مساكين
ترى كرف البيت الكم و غسل المواعين

وتركوا عنكم الحقد لمركزنا ما انتم واصلين
احنا انا العلم والمستقبل يا المساكين

واخرتها الله لا يسلمكم من البلاء يا ملاعين
واخر السنة انشاء الله نكون من الناجحين

منقول

والله اني مفتكهمن الاثنين