السلام عليكم ...
اليوم بكتب أول موضوع حالي هنا ألا وهو سنورمريض نفسي.. بتقولوا كيف عرفتي ؟؟
السالفه وما فيها أن أبوي يحب السنانير وكان مربي سنوره سوده سماها فطوم وبسبب لن أذكره خاص هو يضحك لكن قلت لن أذكره والله يسلمكم عندنا شياطين في البيت ( أطفال ) مابين 1-3سنوات
يوم من الأيام كانت سنورة الوالد حامل بالأخ اللي فوق ( المريض النفسي) وكان ما حد ف البيت غير كمين واحد كبير والأطفال ف الحوش وماعرف كيف مسكوها.. ثنين منهم ماسكينها اللي من الذيل واللي من الرقبه( العنق ) والثالث يضربها وكنت فالصاله وأسمعها تصرخ مسكينه لكن ما على باللي **
المهم استغربت الموضوع بعدين لأن موائها ما كان طبيعي وطلعت أشوف وشفت الكارثة ,, اللي يضحك إن أسامه ولد أختي كان يضربها ويقولها تكلمي المهم خلصتها وبعد ما سألتهم ليش؟ " خالوا ما طايعه تتكلم " هذا كان الرد
المهم ولدة فطوم وقامت بالسلامه وجابت عويس علوش علس عوصو شي منذا الشي اسمه ما أعرف وما سألت
.... كبر وبدينا نكتشف إنه مريض نفسي لأن والله إنه يركض ويضرب ف الجدار أكثر من مره ومره يخمس فالحوش ومره يشاوح ومره ينام ويتقلب ما طبيعي يبغالي أصوره وأجيبه حالكم

عاد السموحه طولت عليكم
أختكم جنـون