العواف يا بلابل

إزيكو .

الحب داء لا علاج له إلا باللقاء ..

هكذا شخصه أخصائى القلب الدكتور ( عاطف حساس ) فى محاضرته التى ألقاءها أمام طلبة السنة الخامسه بكلية الطب البشرى تخصص شراين وأورده .

أوردنا عبارته تلك تمهيدا لقصيدة عاطفيه مرضيه نقلتها لكم من فم الشاعر رفيق المشافى والمصحات الشاعر ( زغلول إسبرين ) الملقب ( بالمضاد الشعرى ) النزيل بالمصحه الخاصه اللى إسمها ( تعالى تشفى ) فى الحجرة رقم 13 سرير 6 بالدور الثالث وهو دلواتى يحتضر على فراش الموت وقد كلفنى بأرسلها إلى محبوبته الممرضة بقسم العلاج الطبيعى بالمركز الطبى ( إلويها تعدل ) تخصص تدليك فقرات الرقبة الانسه ( ماجده الكحيحى ) ربما تنال من قلبها فيحن وتعود إليه يشفى ويتعافى ويخرج من أزمته منتصرا منصورا .

نقرى وندقق ونشخص وبعدين يالا نخمس ونغمس


عليه العوض ومنه العوض

فى بعدك حالى صاعب ومحرج

انا دلواتى فوق سرير المرض

عيان خالص ربى يفرج

دا هجرك مسببلى كحه

وأهاتى كمان عاملالى بحه

وغايبه عنى اعراض الصحه

ضغطى النفسى فى اعلى تدرج

وقلبى ينزف واسع جرحه

حاسس إنى عندى القرحه

وشعورى ملخبط صاعب شرحه

وضيق عاطفتى ما ليها مخرج

وعندى كمان إسهال خصام

وهبوط مفأجى فى الغرام

وحساسيه ودبحة أحلام

ومغص أمانى أه يانى منه متعرج

وفيه شوية برد أحساس

وقشعريره وصداع الرأس

وزكام شك وحيرة وسواس

وحسادى فرحانه تتفرج

وفيه برضوا نزله حنين

جتنى سريعه من يومين

عمال تلوى فيا أنين

وجعى يضحك عليا يهرج

اعانى أنيميا شوق حاده

باينه فى جثتى من مده

دا شكلى انا فى ازمة شدة

من جدرى فراقك يخاف المتفرج

وفاضلى قليل وخش الغيبوبه

وأنشل كمان حالتى فى صعوبه

داوينى بالوصل يا أحلى محبوبه

تشفينى من العيى أتخرج .

وبس

هى طويله بس وقفنا عند هذا الحد عشان جى موعد إعطى المسكانات للشاعر زغلول دلواتى ..

أهو بيسكنوه لحد ما يشفوله صرفه .. دا مكلف عيلته يجى خمسه وعشرين ألف دولار راحو فى المسكانات العاطفيه والمناظير الغراميه .

أشوف وشكم على خير

وسلامتكم وسلامتهم وسلامة ساندرا الطبيب

ع.ع