إعـــــــلان

**Zero Hour** · 30-11-2008, 12:31 AM

السلام عليكم .
هلا بالبلوشي 18 . انت وينك من زمان . اشتقنتنا لمواضيعك الجميلة . بصراحه موضوعك هذا ف محله . و حلو وايد .
بالفعل نحن نعيش فـ مجتمع ما يرحم . صار الواحد ما يخاف على اخوه و لا على اخته . يتكلم بصيغة شخص اخر بس علشان يشوهه سمعته . و ان ايضا اعترف و اجولها . كانت لاي تجربة . و صار فيني الي صار .
بالفعل . يمكن صرنا ما تعرف شو تعني لنا كلمة ( الجامعة ) . بس انا عسى الشباب و الشابات يكونوا قد استفادوا من نصيحتك لهم . و اعتقد الكل له تجارب . و شي حلو لو نتكلم عن تجاربنا

**سنين الصمت** · 30-11-2008, 02:54 AM

تبغى الحق يالغلا الحش والنميمه بكل مكان
بس حركة تغير الشخصيه كلش ما اعجبتني

وتسلم على طرح مثل هالمواضيع الهادفه للاصلاح

**leader1** · 30-11-2008, 07:26 AM

وعليكم السلام ورحمة الله وبركاته .......

كلامك سليم خوي البلوشي 100% .... لكن انا اعتقد ان الانسان السوي اصلا راح يجطع السالفه من الاساس .. يعني بيبعد عن الشر وبيغنيله ... والله الواحد يتحسر لما يشوف هالمواقف لكن ما نملك الا اننا نقول الله يهيهم ..

امس واحد من الخريجين وهو مار بسيارته ضرب هرن وجام وعج الرقم .. جات البنت وشلته .. لاوبعد تبتسم..!!

لازم يا اخوان نراجع انفسنا ( حاسبوا انفسكم قبل ان تحاسبوا ) نفس ما جال البلوشي.
ربي يوفقنا ويوفقكم ان شاء الله

**شرشور** · 30-11-2008, 07:48 AM

بصراحة موضوع هادف .... استفيدوا ياشباب

**شموخ الغلا** · 30-11-2008, 07:52 AM

لا حول ولا قوة الا بالله..................
الله يهدينا ويهدي الجميع

**البلشاوي** · 30-11-2008, 08:46 AM

واايد منه...

**مجروحة بأهدابي** · 30-11-2008, 08:57 AM

صباح الخير
انا اشوف الحش والنميمة شي طبيعي هذي فطـرة

يعني مافي احد منا الا ومر بها
لكن ما اقصد انه نتكلم فالاعراض وكذا ..
بس هو طبع شين ولازم كل منا نحاول نبتعد عنه ,,,

نجي للنقطة الثانية

شخص ينتحل شخصية شخص آخر !!!!!!!!!!!!
بإختصار هذا الشاب او هذي البنت ... ذرة اخلاق ما فيهم ... وما فيهم ضمير !
كيف يقدر يسامح نفسه واهو مستخدم اسم او مستخدمة اسم لغرض وسخ ........

انا هذا الشي انصدمت منه انه يصير ..يعني انا ممكن مثلا نسولف عن بنت او ولد ونتوب ونستغفر لكن اني اجول انا فلانة والبنت بريئة واشوه سمعتها وايد صعب !

صراحة صارلي موقف ..بنت تدخل الشات ولما يسألوها من اسمش تعطيهم اسمي

ما كنت اعرف ولا راح اعرف بس اهي شكلها صحى ضميرها ويات خبرتني واعتذرت مني وسامحتها ..

والله يهدي الجميع

**ضحكة دلع** · 30-11-2008, 10:07 AM

موووضوع هاادف
بس الي متربي وعارف اخلاقه ماعتقد بيجلس يتكلم عن فلان وعلان
هذولا مب صاااحين والله بالله عليكم في حد يتكلم عن بنااات الناس وبالمقابل في بنات يتكلمن عن الشبااااب
ليش ؟؟!!!
هل هي قلة المواضيع !! ام هي التفاهه والعقلية السطحية !!1

**حبة بندول** · 30-11-2008, 11:33 AM

السلام عليكم ورحمة الله وبركاته....
بصراحه موضوووع حلو وتسلم إيدك يالبلوشي18 اللي خطته لأني يمكن ملاحظه واااااايد هالامور تصيربين البنات والشباب...
أولا الحش والنميمه مايتصف بيها العبد المؤمن وهذا يدل على ضعف الايمان لان المسلم الحق هو اللي يشغل وقته بأشياء مفيده فحياته لانه محاسب على كل دقيقه يفوتها من عمره في معصية ربه
ثانيا اللي يتكلم في أعراض الناس يجي من يتكلم عليه ويشوه سمعته سواء في اهله او في نفسه وكثير من الشباب لم تجولهم البنت هالكلام يرد عليها ماعندي خوات وهو في الاصل يكذب لكن هذا من النذاله اللي فيه طبعا مايدري انه حتى لو ما كان عنده خوات بيزوج مستقبلا وبتكون عنده زوجه تحفظ بيته وبنات يربيهم وان الدنيا تدور وتلف ولازم كل شخص ياخذ جزاته وبما ان زمانا قايم على اساس مبدأ ( الأخذ والعطا) هذي هي نهاية الانتقام كما يظن بعض المتخلفين لو انت صج تبي تنتقم من الشخص اللي أذاك المفروض تحقره لانه بيموت من حرته ما ترجع تنتقم وتكبر الامور بالعكس هو بيرتاح لانه لاقى اللي يرد عليه ويجاريه بسواياه.
حبيت أنوه ع نقطه مهمه وااااايد تصير كثير في الجامعه وياما لاحظتها كثير :
* البنت اذا شافت ايميل غريب من شاب حاب يتعرف عليها بالمره تستانس والله صج ان حد أعجب فيني يعني لازم اتابع ايميلاته باستمرار وارد عليه يمكن يصيرلي شي في المستقبل الجريب
" لكن في حقيقة الموضوع لو البنت ذكيه ما تخلي شاب يغريها بكلمه او يصف جمالها وا غيره المفروض لو رسل ووصفها على اساس انها ملكة جمال العالم لاتسبه ولاترد عليه تسفهه تعرفن شو يعني تسفهن لان الشاب اذا كان معجب صج بالبنت وشافها ماردت عليه تكبر أكثر واكثر فعينه يجول هذي البنت جد محترمه وماتسمح لحد ان يرمسها يعني افضل ابتعد عنها لانها ما من النوع اللي في بالي اما اذا عطته ويه لو كانت محترمه قسم بالله يخليها ازفت من الزفته.
بعدين الشباب اللي يرمسون على البنات من وجهة نظري مختلين عقليا وباالاحرى يهاااال لان الريال الصج ما يخلي طاري البنت في لسانه ويستحي يتكلم على بنت سواء رمسها او رمسته لانه مابيمدحك الشخص اللي بتخبره بالعكس بيشمت فيك وبيسبك جدام غيرك.
اما البنات فلو تكلموا مو معناتهم يشوهون السمعه مثل الشباب البنت اللي ماترد عليهم او تعطيهم ويه فاضحينها وناشرين ارقامها مادري على شووو جد هذولا عندهم نقص في التفكير للاسف واذا كانت هذي العاده بين طلاب جامعيين فشو اجول للناس الجاهله اللي ماتتعلم وجاعده في الشوارع .
مابطول عليكم بردي بس الموضوع أثار اهتمامي وايد واتمنى للجميع الهدايه والمفروض كل شخص قبل مايسوي اي شي يفكر فيه قبل لايسويه عشان لايندم عليه وأسأل الله التوفيج للجميع
اسمحلي يالبلوشي يمكن أطلت بردي عليك وتقبل مروري وموضووووووعك مرررره حلوووووو....

**ابن الهنائي** · 30-11-2008, 01:00 PM

هلا البلوشي تسلم ع الموضوع الهادف ...

بصراحة هالنوع إلي تتكلم عنهم ما يستاهلو تطلق عليهم طلاب جامعة ....

بس شو أقول غير الله يهديهم ويصلح من حالهم ...

أذكر أنا زمن الدراسة والسكن أول ما تجي مثل هاسوالف اطنشهم واطلع عنهم ... ما زين حرام ....

**بنت قبائل** · 30-11-2008, 07:15 PM

بصراحة موضوع تشكر عليه
ظاهرة منتشرة ومالها حل إلا يقظة الضمير

**بنت قبائل** · 30-11-2008, 07:18 PM

موضوع إبداع تشكر عليه
ظاهرة منتشرة إنتشار واضح ليس بيدي الحل ولا بيد غيري لكن علاج هذه المشكلة يكمن في يقظة ضمير أولئك الأشخاص

**البلوشـ 18 ـي** · 30-11-2008, 07:34 PM

مروركم كان احلى من الحلو ...

هلاا .. مساؤكم طيب ..
حاب أشكركم على ردودكم الطيبه .. و اعتقد افضل حل مثل ما جالت بنت المقابيل ..
( يقظة الضمير ) ..
..

**البلوشـ 18 ـي** · 30-11-2008, 07:36 PM

مروركم كان احلى من الحلو ...

هلاا .. مساؤكم طيب ..
حاب أشكركم على ردودكم الطيبه .. و اعتقد افضل حل مثل ما جالت بنت المقابيل ..
( يقظة الضمير ) ..
..

إعـــــــلان

ليش الطالبات يحشون فالطلبة .. , الطلبة يحشوون فالطالبات .. على أي اساس؟ ( رسالة قهر)

ليش الطالبات يحشون فالطلبة .. , الطلبة يحشوون فالطالبات .. على أي اساس؟ ( رسالة قهر)

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق